ایمزٹی وی (تعلیم)اعلیٰ ثانوی تعلیمی بورڈ کراچی کے ناظم امتحانات محمد دبیر نے انٹرمیڈیٹ آرٹس ریگولر، آرٹس پرائیویٹ اور ہوم اکنامکس گروپس کے ضمنی امتحانات برائے 2015ءکے نتائج کا اعلان کردیا ہے۔ نتائج کی تفصیلات بتاتے ہوئے انٹربورڈ کے ناظم امتحانات محمد دبیر نے کہا کہ ریکارڈ مدت میں نتائج جاری کئے گئے ہیں ۔انھوں نے بتایا کہ آرٹس ریگولر گروپ کے ضمنی امتحانات میں 3879امیدوار وں نے رجسٹریشن حاصل کی جبکہ 1254امیدوار کامیاب قرار پائے اس طرح کامیابی کا تناسب 33.76 فیصد رہا۔ آرٹس پرائیویٹ گروپ میں 3737 امیدواروں نے رجسٹریشن کروائی جبکہ 1489امیدوار کامیاب قرار پائے، آرٹس پرائیویٹ کے امتحانات میں کامیابی کا تناسب 41.76 فیصد رہا۔ ہوم اکنامکس گروپ میں 129امیدواروں نے رجسٹریشن حاصل کی اور47 امیدوار کامیاب قرار پائے اس طرح کامیابی کا تناسب 37.90 فیصد رہا۔