ایمزٹی وی(کراچی) ثانوی تعلیمی بورڈ کراچی کے تحت ہفتہ طلباءکے تیسرے روز بورڈ کی سماعت گاہ میں مقابلہ اردو تقاریر کا انعقاد کیا گیاجس میں127اسکولوں کے طلباءو طالبات نے بڑی تعداد میں شرکت کی۔ تفصیلات کے مطابق پروگرام کی صدارت بورڈ کے چیئرمین پروفیسر انوار احمد زئی نے کی، منصفین کے فرائض اسسٹنٹ پروفیسر ڈاکٹر ذوالفقار دانش، ایم کفایت اللہ ہاشمی، درخشاں محبوب نے ادا کئے جبکہ نظامت ڈاکٹر فہیم دانش کر رہے تھے ۔ اس موقع پر پروفیسر انوار احمد زئی نے کہا کہ انسان کو خدا نے لطف کی دولت سے مالا مال کیا ہے اس نعمت کا صحیح استعمال کرنا ہمارا فرض ہے اس لئے جو طلبہ فن تقریر سے آگاہ ہو رہے ہیں، وہ اس نعمت کو ادا کرسکتے ہیں۔ پروگرام میں اسکولوں کے اساتذہ کرام، والدین اوردیگر نے بھی شرکت کی۔ نتائج کے مطابق پہلی پوزیشن گاحنا فاطمہ، نوید سیکنڈری اسکول ، دوسری پوزیشن سید الریحان، اقرا حفاظ بوائز سیکنڈری اسکول۔ سیدہ ساجیحا سبزواری، اے ایس ایف اسکول نے حاصل کیں۔ مقابلوں پر مشتمل ہفتہ طلبہ کاچوتھا پروگرام جمعرات کو منعقد ہو گا۔