ایمزٹی وی (ایجوکیشن) جناح اسپتال کی جوائنٹ ایگزیگٹو ڈائریکٹر ڈاکٹر سیمی جمالی کو صحت کے شعبے میں ان کی خدمات کے اعتراف پر دو مذید ایوارڈ دئے گئے ہیں ۔ خواتین کے عالمی دن کی مناسبت سے ڈاکٹر اے کیو خان سینٹر ؛انسٹیٹیوٹ آف بیہورل سائنسز میں منعقدہ تقریب میں ’’ویمنز اچیومنٹ ایوارڈ ‘‘جبکہ سندھ پولیس کی جانب سے مقامی ہوٹل میں منعقدہ تقریب میں انہیں ’’ویمنز اچیومنٹ ایوارڈ فار ہیلتھ کیئر سروسز ‘‘دیا گیا۔ اس موقع پر ڈاکٹر سیمیں جمالی کا کہنا تھا کہ شعبہ طب کا تقاضہ ہے کہ مریضوں کی خدمت کی جائے اوران کی تکلیف کو دور کیا جائے ۔جس کے لئے کوشش جاری ہے ۔ اس موقع پر انہوں نے اس عزم کا اظہارکیا کہ وہ دکھی انسانیت کی خدمت جاری رکھیں گی۔