ایمزٹی وی (تعلیم) بیلاروس کی یونیورسٹیز کے وائس چانسلرز/ ریکٹرزکے وفد نے نائب اول برائے وزارت تعلیم وادم بوگوش کی سر براہی میں نمل کا دورہ کیا اور ریکٹر ضیا الدین نجم سے ملاقات کی۔
ملاقات میں باہمی تعاون کے امور پر تبادلہ خیال کرتے ہوئے ریکٹر نمل نے کہا نمل یونیورسٹی بیلاروس کی جامعات کے ساتھ ریسرچ اور اسٹوڈنٹس ایکسچینج پروگرام ترتیب دینا چاہتی ہے تا کہ پاکستان میں جدید تعلیم کی راہیں پیدا کی جا سکیں، نمل ملک کی واحد یونیورسٹی ہے جو مقامی اور بین الاقوامی 25زبانوں کی تعلیم دینے کے علاوہ سوشل سائنسز،انجینئرنگ اینڈ کمپیوٹر سائنسز اور مینجمنٹ سائنسز کی تعلیم دے رہی ہے ۔
وفد کے سربراہ وادم بوگوش نے مستقبل میں نمل کے ساتھ بیلا روس کی جامعات کے تعاون کو فروغ دینے کے عزم کا اعادہ کیا۔ بیلا روس کے وفد کا دورہ دونوں ممالک کے درمیان معاہدے کا حصہ ہے جس میں یونیورسٹیز کے روابط کو فروغ دینے اور عملی تعاون پر زور دیا.