ایمزٹی وی(تعلیم)کراچی میں گرمیوں کی چھٹیوں کے اعلان کے باوجود کچھ نجی ااسکولز کھلے ہیں ۔ محکمہ تعلیم نے شدید گرمی کے باعث 20 مئی سے 24 جولائی تک سکولوں کی تعطیل کا اعلان کیا ہے ۔ محکمہ تعلیم کے نوٹیفکیشن کے مطابق تعطیلات کے بعداسکول 25 جولائی کو کھلیں گے ۔ چھٹیوں کے اعلان کے بعد نجی اسکولوں کی ایک تنظیم نے اس کی حمایت کی جبکہ نجی اسکولوں کی دوسری تنظیم نے مخالفت کرتے ہوئے کہا کہ حکومت کو اچانک اعلان نہیں کرنا چاہئیے تھا ، موسم گرما کے ہوم ورک کے لئے کم از کم تین دن کا موقع دیا جائے ۔ نجی اسکولوں کی دو تنظیموں کے درمیان چپقلش کے نتیجے میں آج کچھ اسکول کھلے ہیں۔