ایمزٹی وی(تعلیم)پاکستان ہائر ایجوکیشن کی جانب سے افغان طلبا کو اسکالرشپ کا تحفہ دے دیا گیا۔تفصیلات کے مطابق پاک افغان تعلقات کے فروغ کیلئے ایک سو افغانی طلبا کو پاکستان میں صحت اورانجینئرنگ سمیت دیگر شعبوں میں اعلیٰ تعلیم دی جاے گی ۔ افغان طالب علموں کو پاکستان میں اعلیٰ تعلیم کیلئے باقاعدہ امتحان کے بعد مکمل میرٹ پر اسکالر شپ دی گئی ہے جس کیلئے کابل میں پاکستانی سفارتخانہ میں ڈھائی ہزارافغانی طلبا و طالبات نے درخواستیں جمع کرائیں اور مذکورہ امتحان دیا ۔ اسکالرشپ پر تعلیم حاصل کرنے کیلئے طلبا کابل سے آنے والی پروازکے ذریعے اسلام آبادپہنچے گئے ہیں، ایئرپورٹ پہنچنے پر پاکستانی ہائیرایجوکیشن کمیشن کے حکام نے ان کا استقبال کیا۔