ایمز ٹی وی (انٹرنیشنل) تائیوان میں تباہی مچانے والا سمندری طوفان میرانتی چین کے صوبے فوجیان کے ساحلی علاقوں سے ٹکرا گیا، دس لاکھ سے زائد افراد بجلی سے محروم ہوگئے۔
موسلا دھار بارش، طوفانی ہواؤں اور بارہ میٹر بلند لہروں کے ساتھ طوفان میرانتی نے فوجیان کے ساحلی علاقوں میں تباہی مچادی ہے جہاں درخت جڑوں سے اکھڑ گئے ہیں جبکہ سائن بورڈز ہوا میں اڑ گئے اور متعدد علاقے زیر آب آگئے۔
دریاؤں میں پانی کا نشان خطرے کے لیول تک پہنچ گیا۔ سینکڑوں لوگوں نے محفوظ مقامات پر پناہ لی ہوئی ہے ۔ متعدد پروازیں اور ٹرین سروسز منسوخ کردی گئیں۔