ایمز ٹی وی ( تجارت ) پاکستان کے سکوک بانڈز پر دنیا نے اعتماد کا اظہار کردیا، پاکستان نے ایک بار پھر عالمی منڈی میں سکوک بانڈز فروخت کر دیئے، بانڈز کی ابتدائی قیمت پانچ اعشاریہ سات پانچ فیصد ہے۔ عالمی اداروں نے پاکستان کی تیزی سے ترقی کرتی معیشت پر اعتماد کا اظہار کردیا ہے، ایک ارب کے پاکستانی سکوک بانڈز کے لئے دو ارب چالیس کروڑ ڈالر کی بولی لگ گئی۔ وزیر خزانہ اسحاق ڈار کے مطابق عالمی سرمایہ کاروں کی جانب سے بے مثال پذیرائی ملی ہے
حکومت نے عالمی مارکیٹ میں ایک ارب ڈالر کے سکوک بانڈز فروخت کیلئے پیش کئے جن کیلئے دو ارب چالیس کروڑ ڈالر کی پیشکشیں موصول ہوئیں ہیںتاہم وزارت خزانہ ذرائع کے مطابق حکومت کا ارادہ ایک ارب ڈالر کے سکوک فروخت کرنے کا ہے، سکوک بانڈز ڈیل کی سیٹلمنٹ کی تاریخ تیرہ اکتوبر ہے۔وزرات خزانہ کے مطابق ان بانڈز کی میچورٹی پانچ سال کی ہے