ایمز ٹی وی (تعلیم/ کراچی) وفاقی اردویونیورسٹی گلشن کیمپس میں اساتذہ کی جنرل باڈی کا اجلاس ہنگامہ آرائی کی نذر ہو گیا۔

رکن سینیٹ ڈاکٹر افتخار طاہری نے بتایا کہ وفاقی ارد و یونیورسٹی کی سینیٹ میں قائم مقام وائس چانسلر سے سرقہ نویسی اورجعلی پی ایچ ڈی ڈگری کی وجہ سے استعفیٰ کامطالبہ کیا گیا۔

انہوں نے مزید کہا کہ ان کی پالیسیوں کی وجہ سے جامعہ اردو کا بجٹ 2ارب کے بجائے ایک ارب 40کروڑ منظور کیا گیا اور 60کروڑ یونیورسٹی کو نہیں مل سکے۔

قائم مقام وائس چانسلر مستقل وائس چانسلر کی تقرری کی راہ میں سب سے بڑی رکاوٹ ہیں اور غلط طورپر باور کروا رہے ہیں کہ سرچ کمیٹی پر حکم امتناع ہے اور اس سلسلے میں ہم صدر مملکت کو تحریری طورپرآگاہ کر چکے ہیں کہ سرچ کمیٹی پر کوئی حکم امتناع نہیں ہے۔