ایمز ٹی وی (تجارت) ایسوسی ایشن آف بلڈرز اینڈ ڈیولپرز کے چیئرمین محسن شیخانی نے 21 تا 23 مارچ کو ہونے والی آباد کی سہ روزہ بین الاقوامی نمائش " آباد انٹرنیشنل ایکسپو 2017" کی تقریب رونمائی کا اعلان کردیاہے یہ تقریب اسلام آباد کے پاک چین دوستی سینٹر میں ہوگی اور میئر اسلام آباد ،کیپٹل ڈیولپمنٹ اتھارٹی کے چیئرمین شیخ انصر عزیز 21جنوری کو اسلام آباد کے فائیو اسٹار ہوٹل میں ہونے والی تقریب رونمائی کے مہمان خصوصی ہوں گے۔ چیئرمین آباد نے کہا" آباد انٹر نیشنل ایکسپو2014 اور آباد انٹرنیشنل ایکسپو 2016 " کی شاندار کامیابی کے بعد اسلام آباد میں بھی تعمیراتی صنعت سے متعلقہ مصنوعات کی نمائش کا فیصلہ کیا ہے۔انھوں نے کہا کہ آئندہ برس لاہور میں بھی تعمیراتی صنعت کی نمائش کی جائیگی۔ واضح رہے کہ آباد رواں برس کراچی میں 12 تا 14 اگست " آباد انٹرنیشنل ایکسپو 2017" کا انعقاد کرے گا۔