ایمز ٹی وی(نئی دہلی) متحدہ عرب امارات اور بھارت کے درمیان 75 ارب ڈالرز کے معاہدے طے پاگئے، دونوں ملکوں کے درمیان دہلی میں سٹرٹیجک پارٹنرشپ، تجارت اور دفاع سمیت دوطرفہ تعاون کے 14 سمجھوتوں پر دستخط کئے گئے۔
نئی دہلی میں متحدہ عرب امارات کے ولی عہد شیخ محمد بنزید النہیان اور بھارتی وزیراعظم نریندر مودی کے درمیان وفود کی سطح پر مذاکرات ہوئے۔ اس موقع پر دونوں ملکوں کے درمیان 75 ارب ڈالرز کے معاہدوں کی منظوری دی گئی۔ سٹرٹیجک پارٹنرشپ، میری ٹائم، ٹرانسپورٹ، دفاع اور تجارت کے شعبوں میں تعاون بڑھانے کیلئے 14 سمجھوتوں پر دستخط کئے گئے۔ شیخ محمد بن زید کل ہونے والی بھارتی یوم جمہوریہ کی تقریب کے مہمان خصوصی ہیں۔