ایمز ٹی وی(کراچی) متحدہ کے رہنما سلیم شہزاد جیل انتظامیہ کیلئے مسئلہ بن گئے ہیں ،پی ایس پی اور متحدہ پاکستان کے رہنماﺅں نے انہیں اپنے ساتھ رکھنے سے انکار کر دیا ۔
سلیم شہزاد جیل انتظامیہ کیلئے مسئلہ بن گئے ہیں ،اہلکاروں نے بیرک میں رکھنے کا فیصلہ کیا تو پی ایس پی کے قیدیوں نے انہیں اپنے ساتھ رکھنے سے انکار کر دیا۔انہیں دوسری بیرک میں لے جایا گیا جہاں متحدہ پاکستان کے قیدیوں نے انہیں اندر داخل ہونے سے روک دیا جس کے بعد پولیس انتظامیہ کیلئے مشکل کھڑی ہو گئی ہے ۔پولیس انتظامیہ نے انہیں جیل کے ہسپتال میں رکھنے کا فیصلہ کیا تو سلیم شہزاد نے ہسپتال میں قید کاٹنے سے انکار کر دیاتاہم جیل انتظامیہ نے کڑی محنت کے بعد سلیم شہزاد کو جیل کے ہسپتال میں قید کاٹنے پر راضی کر لیا ۔
متحدہ کے رہنما سلیم شہزاد طویل جلاوطنی کے بعدنجی ایئر لائن کی پرواز ای کے 600پر دبئی سے کراچی پہنچے تو امگریشن حکام نے انہیں ایئر پورٹ پر روکا اورپاسپورٹ ضبط کر نے کے بعد پولیس کو آگاہ کیا جس کے بعدڈی ایس پی ایئر پورٹ کی سربراہی میں پولیس پارٹی نے انہیں گرفتار کر کے بکتر بند گاڑی میں گڈاپ تھانے منتقل کر دیاتھا۔