ایمز ٹی وی (اسپورٹس) پاکستان سُپر لیگ ٹومیں آج دو میچز کھیلے جائیں گے،پہلا مقابلہ لاہور قلندرز اور پشاور زلمی کے درمیان ہوگا، دوسرے میچ میں کوئٹہ گلیڈی ایٹرز اور اسلام آباد یونا ئیٹڈ مد مقابل ہوں گے۔

قلندرز اب تک ایونٹ میں تین کامیابیاں سمیٹ چکے ہیں ،کسی میچ میں عمر اکمل چلے تو کسی میں یاسر شاہ نے کمال دکھایا اور کسی میں گرانٹ ایلیٹ نے سب کو ٹھکانے لگایا ۔

پشاور زلمی نے بھی 2 میچز میں فتح پائی ہے، اس کے پاس بھی ایک سے بڑھ ایک کھلاڑی ہیں،کامران اکمل ، شاہد آفریدی اور خود کپتان ڈیرن سیمی بھی ہیں۔قلندرز اور زلمی کا میچ آج شام ساڑھے 4 بجے شروع ہوگا۔

دن کا دوسرا میچ کوئٹہ گلیڈی ایٹرز اور اسلام آباد یونائیٹڈ کے درمیان ہوگا ،جس میں سارا دباؤ مصباح پر ہوگاکیونکہ سرفراز کی ٹیم تو پہلے ہی اگلے مرحلے میں پہنچ چکی ہے۔