ایمز ٹی وی(اسپورٹس) پاکستان کے ٹیسٹ کرکٹر شعیب ملک اور بھارتی ٹینس اسٹار ثانیہ مرزا کی شادی کی آج ساتویں سالگرہ ہے،شعیب ملک نےویسٹ انڈیز کے خلاف تیسرے ون ڈے کی سنچری اہلیہ کے نام کردی۔ گیانا سے شعیب ملک نے اپنی شادی کی سالگرہ کے موقع پر اہلیہ ثانیہ مرزا کے نام خصوصی پیغام میں کہا کہ تم نےمیرےخوابوں کوتعبیر اورحوصلوں کونئی طاقت دی۔ شعیب ملک اور ثانیہ مرزا 12اپریل 2010کوحیدرآباد دکن کے تاج کرشنا ہوٹل میں رشتہ ازدواج میں منسلک ہوئے تھے ، ولیمے کی تقریب 15 اپریل کو اسی ہوٹل میں منعقد کی گئی تھی۔ نکاح کےموقع پر ثانیہ مرزا نے سرخ ساڑھی زیب تن کی ہوئی تھی جبکہ شعیب ملک سیاہ شیروانی اور روایتی سیاہ ٹوپی پہنے ہوئے تھے۔ واضح رہے شعیب ملک اس وقت دورہ ویسٹ انڈیز پر ہیں اور گزشتہ روز پاکستان اور ویسٹ انڈیز کے تیسرے ون ڈے میں شاندار سنچری اسکور کرکے ٹیم کی فتح میں مرکزی کردار ادا کیا تھا، شاندار پرفارمنس پر انہیں مین آف دی میچ اور مین آف دی سیریز قرار دیا گیا تھا۔ پاکستان نے ویسٹ انڈیز کے خلاف ون ڈے سیریز میں دو ، ایک سے فتح حاصل کی ۔