ایمز ٹی وی(اسپورٹس) انٹرنیشنل کرکٹ کونسل (آئی سی سی) نے تازہ ترین ون ڈے رینکنگ جاری کردی، ویسٹ انڈیز کے خلاف سیریز جیتنے کے بعد پاکستان کی ایک درجہ ترقی ہوگئی ہے۔ آئی سی سی کے مطابق پاکستان نویں سے آٹھویں نمبر پر آگیا جبکہ ویسٹ انڈیز کی ٹیم ایک درجہ تنزلی کےبعد نویں نمبر پرچلی گئی ہے۔ تازہ رینکنگ میں جنوبی افریقا پہلے، آسٹریلیا دوسرے اور نیوزی لینڈ تیسرے نمبرپر ہے۔ بھارت چوتھی، انگلینڈ پانچویں، سری لنکاچھٹی اور بنگلادیش ساتویں پوزیشن پر ہے۔