ایمز ٹی وی(حیدرآباد ) کرسچن پیس الائنس حیدرآباد کے رہنماؤں ندیم بھٹی، افضال مسیح و دیگر نے ڈاکٹر روتھ فاؤ کی تدفین و آخری رسومات پاکستان میں سرکاری اعزاز کے ساتھ کرنے پر پاکستانی مسیحی قوم کی جانب سے اظہار تشکر کرتے ہوئے کہا ہے کہ ہمارے لئے یہ بڑے اعزاز کی بات ہے کہ ایک مسیحی خاتون نے وطن عزیز میں دکھی انسانیت کے لئے عظیم خدمات انجام دیں اور لگن، محنت اور بے لوث خدمت سے پاکستان بھر میں جزام (کوڑھ) کے ہزاروں مریضوں کی زندگیوں میں تبدیلی کا سبب بنیں اور پاکستان کو ایشیا میں جزام ( کوڑھ) کے مرض سے پاک پہلے ملک کا درجہ دیا۔ ڈاکٹر روتھ فاؤ کی انسانیت کے لئے خدمت ناقابل فراموش ہے جسے ہمیشہ یاد رکھا جائے گا۔