ایمزٹی وٹی(کراچی/ تعلیم) کراچی سمیت اندرون سندھ کے سرکاری میڈیکل وڈینٹل کالجوں وجامعات میں داخلے برائے سال2017-18کے لیے پہلی بار بلدیہ عظمیٰ کراچی کے ماتحت چلنے والے کراچی میڈیکل اینڈ ڈینٹل کالج کو یکساں داخلہ پالیسی کے تحت انٹری ٹیسٹ میں شامل کرلیا گیا اس سے قبل کراچی میڈیکل اینڈ ڈینٹل کالج اور لیاری میڈیکل کالج علیحدہ انٹری ٹیسٹ لیا کرتے تھے جس کی وجہ سے امید واروں کوعلیحدہ انٹری ٹیسٹ کے لیے علیحدہ داخلہ فارم خریدنا پڑتے تھے جس سے والدین اور امید واروں پر اضافی مالی بوجھ پڑتا تھا اور انھیں پریشانی کا سامنا کرنا پڑتا تھا، کراچی کے تمام سرکاری میڈیکل کالجوں وجامعات میں ایم بی بی ایس اوربی ڈی ایس میں داخلوں کے لیے 22اکتوبر کو این ای ڈی یونیورسٹی میں انٹری ٹیسٹ کی تمام تیاریاں مکمل کرلی گئی ہیں انٹری ٹیسٹ صبح10بجے شروع ہوگا جو 2گھنٹے تک جاری رہے گا
تمام امیدواروں سے کہا گیا ہے کہ وہ ایڈمٹ کارڈ کے ہمراہ سارھے 8بجے جامعہ این ای ڈی پہنچ جائیں نیشنل ٹیسٹنگ سروسز کے تحت انٹری ٹیسٹ منعقد کیا جائے گا امسال کراچی کے میڈیکل کالجوں میں داخلوں کے لئے ساڑھے 6ہزار سے زائد امید وار انٹری ٹیسٹ میں شرکت کریں گے صوبے بھرمیں مجموعی طور پر 25ہزار امید وار شرکت کریں گےانٹری ٹیسٹ کراچی سمیت لیاقت یونیورسٹی ،بے نظیر بھٹو یونیورسٹی لاڑکانہ، شہید بے نظیر آباد (نوابشاہ )اور سکھر کے میڈیکل کالج میں بیک وقت منعقد کیا جائے گا '
کراچی کے میڈیکل کالجوں میں جناح سندھ میڈیکل کالج 350,ڈاﺅ میڈیکل کالج 350،لیاری میڈیکل کالج 100اور کراچی میڈیکل اینڈ ڈینٹل کالج 250نشستیں مختص ہیں،ڈینٹل کالج 100نشستیں ہیں ،ڈاکٹر عشرت العباد اور ڈینٹل میں 75نشستوں پر داخلے دیے جائیں گے،کراچی کے تمام میڈیکل کالجوں میں مجموعی طور پر ایم بی بی ایس کی ایک ہزار 50سیٹیں جبکہ ڈینٹل کالجوں میں 275سیٹیں مختص ہیں ، کراچی میں ان تمام سیٹوں پر 6ہزار سے زائد امیدواروں نے درخواستیں دی ہیں جن کے انٹری ٹیسٹ 22اکتوبر کو کراچی میں منعقد ہوں گے،دریں اثنا25اکتوبر تک این ٹی ایس کا ابتدائی نتیجہ ویب سائٹ پر جاری کیا جائے گا جس کے بعد امیدواروں کو 2دن اعتراضات کے دیے جائیں گے، 29اکتوبر تک حتمی میرٹ لسٹ آویزاں کردی جائیں گی۔