ایمز ٹی وی:( لاہور) کے اساتذہ کی آج محکمہ اسکولز ایجوکیشن میں انکوائریاں عمل میں لائی جائیں گی۔ ڈائریکٹوریٹ پبلک انسٹرکشن کی جانب سے لاہور سمیت پنجاب کے 19 اضلاع کے ڈسٹرکٹ ایجوکیشن آفیسرز کو مراسلے جاری کیے گئے ہیں جس میں اسکولوں کے ہیڈ ،ٹیچرز اور سینئر سبجیکٹ اسپیشلسٹ کو محکمہ اسکول ایجوکیشن رپورٹ کرنے کے احکامات جاری کیے گئے ہیں۔سیکرٹری اسکولز ڈاکٹر اللہ بخش ملک نے کہا ہے کہ ذمہ داروں کے خلاف سخت کارروائی کی جائے گی تاکہ آئندہ تعلیمی معیار میں بہتری لائی جا سکے۔