کراچی: نگراں وزیر تعلیم سندھ رعنا حسین کی زیر صدارت اسٹیرنگ کمیٹی کی ذیلی کمیٹی کا اجلاس ہوا

اجلاس میں سیکریٹری اسکول ایجوکیشن سندھ اور دیگر میمبران نےشرکت کی۔

جلاس میں تعلیمی سال کی شروعات، امتحانات کا شیڈول، چھٹیوں اور دیگر اہم فیصلوں پربحث ہوئی۔اجلاس میں فیصلہ کیا گیا کہ سندھ بھر کے اسکولز میں نیا تعلیمی سال 15 اپریل سے شروع ہوگا جبکہ سندھ بھر کے کالجز میں نیا تعلیمی سال یکم اگست سے شروع کرنے پر اتفاق کیا گیا ہے۔

اجلاس میںمشاورت کے بعدفیصلہ کیا گیاہے کہ صوبے بھر میں موسم سرما اور گرما کی تعطیلات پرانے شیڈول کے مطابق ہونگے ۔جبکہ بورڈز کے سالانہ امتحانات کے حوالے سےبتایا گیا ہے کہ میٹرک کےامتحانات مئی کے پہلے ہفتے اور انٹر امتحانات مئی کے آخری ہفتے سے شروع ہونگے۔

میٹرک کے سالانہ امتحانات کے نتائج 31جولائی اور انٹرمیڈیٹ کے سالانہ نتائج اگست کے دوسرے ہفتے تک جاری کیے جائیں گے۔