ایمزٹی وی(بزنس)پاکستان پیٹرولیم نے خیبر پختون خوا کے تل بلاک میں تیل و گیس کا نیا ذخیرہ دریافت کر لیا ہے ۔ ملک میں جاری توانائی کے بحران پر قابو پانے کے لئے جہاں بین الاقوامی سطح پر پاکستان کے دوسرے ممالک سے رابطے ہورے ہیں ۔ وہی مقامی سطح پر بھی تیل و گیس کی تلاش کے لئے مختلف کمپنیاں کام کر رہی ہیں ۔ پاکستان آئل فیلڈ کے جاری اعلامیہ کے مطابق کمپنی نے خیبر پختون خوا کے تل بلاک میں تیل و گیس کا نیا ذخیرہ دریافت کر لیا ہے ۔ ابتدائی نتائج کے مطابق کنویں سے یومیہ 2020 بیرل تیل جبکہ 5 اعشاریہ 4 ایم ایم سی ایف ڈی گیس کا اخراج ہو رہا ہے ۔ ماہرین کے مطابق تیل و گیس کے اس نئے ذخیرے کی دریافت سے ملک میں جاری توانائی کے بحران پر قابوں پانے میں کچھ مدد ضرور ملے گی