Reporter SS
ایمزٹی وی (تعلیم /فیصل آباد) تعلیمی سیشن اختتام کے قریب ہونے کے باوجود فیصل آباد کے اکثر سرکاری اسکولز کے سربراہان تاحال نرسری کلاسز کے بچوں کا ریکارڈ فراہم نہیں کرسکے جس سے طالب علموں کا ریکارڈ آن لائن نہ ہو سکا۔ پنجاب انفارمیشن ٹیکنالوجی بورڈ کی طرف سے صوبہ بھر کے سرکاری اسکولز میں زیرتعلیم پرائمری کلاسز کے طلبہ کا ریکارڈ آن لائن کرنے کا پلان بنایا گیا تھا ۔
جس کیلئے ستمبر 2016 میں سرکاری اسکولز کی نرسری کلاسز میں داخل طلبہ کا مکمل ریکارڈ طلب کیا گیا تھا جس میں طلبہ کے نام ، ولدیت کے علاوہ والے کے شناختی کارڈ سمیت تمام معلومات فراہم کرنے کی ہدایت کی گئی تھی ۔
لیکن تعلیمی سیشن اختتام کے قریب ہونے کے باوجود اکثر اسکولز کے سربراہان تاحال نرسری کلاسز کے بچوں کا ریکارڈ فراہم نہیں کرسکے۔ جس پر ڈسٹرکٹ ایجوکیشن افسران سیکنڈری اور ایلیمنٹری کی طرف سے اسکولز سربراہان کو وارننگ لیٹر جاری کرتے ہوئے ہدایت کی گئی ہے کہ جلد ریکارڈ بھجوایا جائے ۔
ایمز ٹی وی(اسپورٹس) پاکستان کی بلائنڈ کرکٹ ٹیم نے نیپال کو شکست دیکر سیمی فائنل میں جگہ بنا لی ۔
ایمز ٹی وی (تعلیم /فیصل آباد) گورنمنٹ ایلیمنٹری اسکول 68 میں طلبہ کو تفریحی سہولیات فراہم کرنے کیلئے ایجوکیشن رائٹس کمیشن نےجھولے فراہم کردیئے۔
اسکول میں جھولے لگانے کا افتتاح چوہدری عبدالغفار سندھو نے کیا۔ اس موقع پر ایجوکیشن رائٹس کمیشن کے چیئرمین رانا مقرب الہی، چوہدری زاہد رشید ، جاوید بسرا، اسلم بٹ، علی رضا، مزمل حسین و دیگر بھی موجود تھے۔
ایمز ٹی وی (تعلیم فیصل آباد) پنجاب ایگزامینیشن کمیشن کے تحت صوبہ بھر کی طرح فیصل آباد میں بھی پنجم کے امتحانات شروع ہوگئے۔
فیصل آباد کے 469 امتحانی مراکز میں اردو کا پیپر لیا گیا تمام مراکز میں پنجم کے اردو کے پیپر کے دوران طلبہ کیلئے سکیورٹی کے سخت انتظامات بھی لئے گئے تھے جبکہ 73 کلسٹر ہیڈز سمیت پانچ ہزار 715 اساتذہ کی امتحانی ڈیوٹیاں لگائی گئی ہیں۔
ضلعی حکومت کی طرف سے امتحانی مراکز میں دفعہ 144 کا نفاذ بھی کیا گیا ہے۔
اعصام الحق نے برطانوی نشریاتی ادارے کو انٹرویو دیتے ہوئے کہا کہ یہ صرف پاکستان کی ٹینس ہی نہیں بلکہ مجموعی طور پر پاکستان کی سپورٹس کے لیے بھی اہم موقع ہے۔ اس مقابلے کے لیے انٹرنیشنل ٹینس فیڈریشن کے میچ آفیشلز بھی پاکستان آرہے ہیں۔ جب تمام کھلاڑی اور آفیشلز واپس جائیں گے تو یقینی طور پر پاکستان کی روایتی میزبانی اور سکیورٹی کے بارے میں دنیا کو مثبت باتیں بتا سکیں گے جس سے پاکستان میں مستقبل قریب میں مزید بین الاقوامی مقابلوں کی راہ کھلے گی۔انھوں نے کہا کہ پاکستان میں ڈیوس کپ کی میزبانی کسی طور بھی آسان نہیں تھی ان کا کہنا تھا کہ اس سلسلے میں پاکستان ٹینس فیڈریشن کے ساتھ ساتھ میں نے بھی ذاتی حیثیت میں کوشش کی اور انٹرنیشنل ٹینس فیڈریشن کو قائل کرتے رہے کہ پاکستان کو بین الاقوامی ایونٹ کی میزبانی سے زیادہ دیر محروم نہ رکھا جائے۔ مجھے خوشی ہے کہ آج پاکستان اس ایونٹ کی میزبانی کررہا ہے۔
اعصام الحق نے کہا کہ 12 سال کے طویل عرصے کے بعد اپنے ملک میں دوبارہ کھیلنے پر بہت زیادہ خوش اور پرجوش ہوں۔مجھے اس بات کا دکھ تھا کہ جب سے مجھے بین الاقوامی سطح پر عمدہ کارکردگی کی بناءپر پذیرائی ملی میں اپنے ملک میں اپنا کھیل دکھانے سے محروم تھا۔انھوں نے کہا کہ پاکستان میں بین الاقوامی ٹینس نہ ہونے کا نقصان نوجوان کھلاڑیوں کو ہوا ہے اور ان کے شوق میں فرق پڑا ہے، اس کے علاوہ ملک میں مقابلے نہ ہونے کے اثرات سپانسرشپ کی کمی کی صورت میں بھی سامنے آئے ہیں لیکن انھیں امید ہے کہ ڈیوس کپ ٹائی کے بعد مثبت تبدیلی آئے گی اور نوجوان کھلاڑیوں میں دوبارہ شوق پیدا ہو گا اور سپانسرز بھی سامنے آئیں گے۔ واضح رہے کہ پاکستان اور ایران کے درمیان ڈیوس کپ ٹائی تین سے پانچ فروری تک اسلام آباد میں کھیلا جائے گا۔
پاکستان میں12 سال کے طویل عرصے کے بعد یہ پہلا موقع ہے کہ پاکستان ٹینس کے اس بین الاقوامی مقابلے کی میزبانی کررہا ہے۔ایران نے سکیورٹی کے خدشات کے پیش نظر پاکستان آ کر یہ ایونٹ کھیلنے سے انکار کردیا تھا لیکن انٹرنیشنل ٹینس فیڈریشن نے سکیورٹی کی صورتحال کو اطمینان بخش قرار دے کر یہ مقابلہ پاکستان میں ہی منعقد کرنے کا فیصلہ کیا ہے۔اعصام الحق پاکستان کی اس چار رکنی ٹیم کا حصہ ہیں جو اس تین روزہ مقابلے میں ایران کا مقابلہ کرنے والی ہے۔
ایمز ٹی وی (تعلیم /اسلام آباد ) خاتون اول بیگم محمودہ ممنون حسین نے کہا ہے کہ جدید ٹیکنالوجی نے دینی تعلیمات تک رسائی آسان بنا دی ہے.
بچیاں گھر بیٹھے اس سے بھرپور استفادہ کر سکتی ہیں۔ بچیوں کی بہتر تربیت سے گھر اور معاشرے میں مثبت تبدیلی آ سکتی ہے۔
ان خیالات کا اظہار اُنہوں نے ایوان صدر میں اسلام آباد ماڈل اسکول کی طالبات سے خطاب کرتے ہوئے کیا۔ اُنہوں نے کہا کہ نماز اسلام کا بنیادی رکن اور دین کا ستون ہے جس کے بغیر زندگی نامکمل ہے۔
قرآن پاک میں سب سے زیادہ نماز کے بارے میں حکم آیا‘ نبی پاکؐ نے بھی تمام مصروفیات ترک کر کے نماز ادا کرنے کا حکم دیا۔