کراچی:ضیاالدین یونیورسٹی کے زیراہتمام استقبالیہ تقریب کاانعقادکیاگیا۔

ضیاالدین یونیورسٹی کی جانب سے ایم بی بی ایس کےچھبیسویں بیچ کے نئے آنے والےطلبہ وطالبات کے لیے استقبالیہ تقریب منعقد کی گئی۔

استقبالیہ تقریب سے خطاب کرتے ہوئے ضیاالدین یونیورسٹی کے وائس چانسلر پروفیسر ڈاکٹر پیرزادہ قاسم رضاصدیقی نےہال میں موجود طالب علموں اور ان کے والدین کو مبارکباد پیش کی اور تہہ دل سے ان کے لیے روشن مستقبل اور نیک خواہشات کا اظہار کرتے ہوئے کہا کہ ہم پاکستانی قوم دنیاکی ذہین ترین قوم ہیں اور ہماری خوش قسمتی ہے کہ ہمارے ملک کی کل آبادی کا ایک بہت بڑا حصہ نوجوانوں پر مشتمل ہے۔ ہمارے ملک کا مستقبل نوجوانوں کے ہاتھ میں ہے۔ مجھے امید ہے کہ یہاں سے تعلیم حاصل کرنے کے بعد آپ ملک و قوم کی خدمت میں کوئی کسر نہیں چھوڑیں گے۔

اس موقع پر ضیاءالدین یونیورسٹی فیکلٹی آف ہیلتھ سائنسز کے ڈین ڈاکٹر عباس ظفر نے طلبہ و طلبات کی حوصلہ افزائی کرتے ہوئے کہا کہ کورونا جیسی عالمی وبا کے دور میں جب شعبہ طب ایک انتہائی نازک اور مشکل دور سے گزر رہا ہے ایسے میں اس شعبہ کا انتخاب کر کے آپ نے ثابت کردیا کہ آپ سچے دل سے انسانیت کی خدمت کرنا چاہتے ہیں۔ آپ ہمارے ملک کا قیمتی سرمایہ ہیں اور ہمیں پوری امید ہے کہ آپ تعلیم مکمل کرنے کے بعد اس ملک کی بے لوث خدمت کریں گے ۔

ضیاءالدین میڈیکل کالج کی پرنسپل ڈاکٹر نزہت حسین نے مستقبل کے ڈاکٹرز کا خیر مقدم کرتے ہوئے کہا کہ اس سال ہم ضیاالدین یونیورسٹی کی سلور جوبلی منارہے ہیں اور ہمیں فخر ہے کہ ضیاءالدین یونیورسٹی سے پاس ہوئے ڈاکٹرز پاکستان سمیت دنیا بھر کے مختلف ہسپتالوں میں اپنی خدمات سرانجام دے رہے ہیںانہوں نے مزید کہا کہ د نیا بہت تیزی کے ساتھ ترقی کررہی ہے آپ سب کو دنیا کے ساتھ قدم سے قدم ملا کر چلنا ہو گا کیونکہ سخت محنت ہی آپ کو کامیابی کی جانب لے کر جاسکتی ہے۔ اپنی معلومات کو وسیع کریں اور اپنے وقت کا استعمال بہت دانشمندی سے کریں۔ مجھے پورا ےقین ہے کہ آپ سخت محنت، ہمت اور حوصلے کا استعمال کرتے ہوئے اس ملک کو ترقی سے ہمکنار کریں گ

کراچی: محمد علی جناح یونیورسٹی کراچی ( ماجو ) کے یکم مارچ سے شروع ہونے والے نئے سیمسٹر اسپرنگ-21 میں داخلوں کے خواہشمند طلباء اور ان کے والدین کی رہنمائی کے لیے اوپن ہاؤس سیشن کا انعقاد کل ہوگا۔

ماجو کے زیرِ اہتمام یکم مارچ سے شروع ہونے والے نئے سیمسٹر اسپرنگ-21 میں داخلوں کے خواہشمند طلباء اور ان کے والدین کی رہنمائی کے لیے اوپن ہاؤس سیشن کا انعقاد کل صبح دس بجے سےشام پانچ بجے تک یونیورسٹی کے مین کیمپس میں ہو گا ۔

یونیورسٹی کے ایک ترجمان کے مطابق ماجو کے تمام اساتذہ اوپن ہاؤس سیشن کے دوران طلبا اور ان کے والدین کو یونیورسٹی کی جانب سے پیش کیے جانے والے تمام ڈگری پروگراموں کی اہمیت سے آگاہ کریں گے اور طلبہ کو ان پروگراموں میں داخلہ حاصل کرنے کے لئے ان کے ذہنی رجحانات کو سامنے رکھتے ہوئے مشاورت فراہم کی جائے گی۔

ویب ڈیسک : زندگی کی تلاش میں ناساکا پرسیورینس مشن بلا آخر کامیابی سے مریخ پر لینڈ کرگیا ہے۔

مشن 239 ملین میل کا سفر طے کرکے منزل پر پہنچا ہے، ناسا کے اس پرسیورینس نے خلا میں 12 ہزار میل فی گھنٹہ کی رفتار سے سفر طے کیا۔

مشن نے پیراشوٹ کے ذریعے لینڈ کیا، اس کا پچھلا حصہ علیحدہ ہوا اور اسکائی کرین نے نائلون کی کیبلز سے جڑے پریزروینس کو سطح پر اتارا، مشن کو مریخ کی سطح پر اترنے سے پہلے 7 منٹ تک ایک مشکل مرحلہ درپیش تھا اور لینڈنگ کا سگنل ناساکو موصول ہونے میں 11 منٹ لگے

مریخ کی سطح کے قریب پہنچتے ہی مشن کو طوفانی صورتحال سے گزرنا پڑا تاہم یہ کامیابی سے 820 فٹ گہرے مقام پر اتر گیا جس کا نام جیزیرو ہے، مشن کو اسی خاص مقام پر بھیجا گیا ہے کیونکہ سائنس دانوں کا خیال ہے کہ یہاں ساڑھے 3 ارب سال پہلے جھیل تھی اور اسی میں زندگی کےآثار تلاش کیے جائیں گے۔

مشن پر 2 ارب 20 کروڑ ڈالر لاگت آئی اور یہ مشن 2 سال کے لیے بھیجا گیا ہے ، اس کا مقصد مریخ پر زندگی کو تلاش کرنا ہے۔

پرسیورینس درحقیقت ایک روبوٹ ہے جو ایسٹروبائیلوجسٹ یعنی مریخ کی سطح پر زندگی کے آثار تلاش کرے گا اور یہ ناسا کا پہلا روور ہے جو مریخ پر بھیجا گیا ہے، اس سے پہلے بھی کئی روورز مریخ پر بھیجے جاچکے ہیں مگر یہ سب سےزیادہ جدید ہے اور زیادہ دیر تک قائم رہ سکتا ہے۔

گوادر:بلوچستان کےشہرگوادرکےخوبصورت کرکٹ اسٹیڈیم میں آج پہلےمیچ کاانعقادکیاگیا ہے۔

گوادر اسٹیڈیم میں پہلا میچ شوبز شارکز اورگوادر ڈولفنز کے درمیان کھیلا جا رہا ہے۔ پہلے میچ میں گوادر ڈولفنز کی ٹیم نے شوبز شارکز کے خلاف بولنگ کا فیصلہ کیا ہے۔

میچ کاآغازکے ٹو پر لاپتہ پاکستانی کوہ پیما علی سدپارہ کے لیے خصوصی دعا سے کیا

ـسوپر ہے پاکستان کپ کے میچ میں برطانوی ہائی کمشنر کرسٹیان ٹرنر،معاون خصوصی زلفی بخاری،سمیت متعدد شخصیات شریک ہیں

گوادر ڈولفن کی ٹیم میں وزیر بحری امور علی زیدی ،معاون خصوصی زلفی بخاری اور برطانوی ہائی کمشنر سمیت مختلف سماجی وسیاسی شوبز شخصیات شامل ہیں۔

دوسری جانب شوبز شارکز کی قیادت پاکستان کرکٹ بورڈ (پی سی بی) کے سی ای او وسیم خان کریں گے جب کہ ٹیم میں علی ظفر، فخر عالم، فیصل قریشی، اعجاز اسلم اور دیگر شامل ہیں۔

کراچی: ہائر ایجوکیشن کمیشن آف پاکستان نے سر سید یونیورسٹی آف انجینئرنگ اینڈ ٹیکنالوجی کو ہائرایجوکیشن ڈیٹا رپوزیٹری پائلیٹنگ فیس پروجیکٹ کا شریک کار بنانے کے لیے منتخب کر لیا ہے ۔

ورلڈ بینک اس پائلٹ پروجیکٹ کا اسپانسرہے اور اس پروجیکٹ کے لیے دوسو سے زائد جامعات میں سے صرف تیرہ جامعات کو منتخب کیا گیا ہے ۔

ہائر ایجوکیشن نے سرسید یونیورسٹی کا انتخاب، گزشتہ سال ہائر ایجوکیشن کی جانب سے شروع کی گئی آن لائن تعلیمی مشقوں کے دوران سرسید یونیورسٹی کی شاندار اور اعلیٰ کارکردگی کو مدِ نظررکھتے ہوئے کیا جس کا کریڈٹ سرسید یونیورسٹی کے وائس چانسلر پروفیسر ڈاکٹر ولی الدین کوجاتا ہے جن کی رہنمائی میں یہ اعزاز حاصل کرنا ممکن ہوسکا ۔

سر سید یونیورسٹی عصر حاضر کے تقاضوں کے مطابق  اہم کردار ادا کر رہی ہے 

سرسید یونیورسٹی کے تمام ملازمین کی بہترین کارکردگی اور ایک اچھا ٹیم ورک اس کامیابی کی بنیاد بنا ۔

ہائر ایجوکیشن کی پالیسی اور اصول و ضوابط کے مطابق کام کے اعلیٰ معیار کو برقرار رکھنے کے لیے سرسید یونیورسٹی سخت محنت کرتی ہے ۔

کراچی: جامعہ کراچی میں دوروزہ بین الاقوامی کانفرنس کاآغاز کل سےہوگا۔

کراچی یونیورسٹی بزنس اسکول جامعہ کراچی کے زیر اہتمام پہلی دوروزہ بین الاقوامی کانفرنس بعنوان: ”کا رپوریٹ کا استحکام“ کی افتتاحی تقریب ہفتہ 20 فروری 2021 ء کو صبح 10:00 بجے کراچی یونیورسٹی بزنس اسکول کی سماعت گاہ میں منعقد ہوگی۔

وزیر اعلیٰ سندھ کے مشیر بیرسٹرمرتضیٰ وہاب مہمان خصوصی جبکہ رکن سندھ اسمبلی شمیم ممتاز مہمان اعزازی ہوں گے۔

شیخ الجامعہ پروفیسر ڈاکٹر خالدمحمود عراقی صدارت کریں گے جبکہ دیگر مقررین میں ملائیشیاء سے ڈاکٹر عبدالحلیم عبدالماجد، ڈاکٹر عاطفہ نجوانی،لندن سے رچرڈ گرفتھ،رومانیہ سے بستیانا،فلپائن سے ڈاکٹر پرفیکٹو جی ایکوینو جے آراور نیپال سے ہری سی کمالی شامل ہیں۔

۔

لاہور:محکمہ ہائرایجوکیشن پنجاب نےکالجزمیں سینئراساتذہ کی بھرتی کا فیصلہ کیا ہے۔

کئی سالوں بعد محکمہ محکمہ ہائر ایجوکیشن پنجاب نےایسوسی ایٹ، اسسٹنٹ اور پروفیسرز کی سیٹ پر بھرتی کرنے کا فیصلہ کیا ہے۔ 

محکمہ نے دو روز میں ڈائریکٹوریٹ آف پبلک انسٹرکشن کالجز سے خالی سیٹوں کا ریکارڈ مانگ لیا ۔

اقلیتی اور معذور کوٹے پر ہونے والی بھرتیوں کا ریکارڈ بھی ارسال کیا جائے گا ۔

کراچی: جامعہ کراچی کے سابق وائس چانسلر، پروفیسر ڈاکٹر ارتقاق علی انتقال کرگئے

وہ جامعہ کراچی کےشعبہ نباتیات میں چیئرمین رہ چکے ہیں پروفیسر علی 1930 میں پیدا ہوئے اور انہوں نے 1952 میں ایم ایس سی کیا۔ انہوں نے بہت سے ممالک میں کام کیا اور وہ تاحال وہ پلانٹ کنزرویشن سینٹر یو او کے میں کام کر رہے تھے۔

پروفیسر ڈاکٹر ارتقاق علی کی نماز جنازہ آج بعد نمازجمعہ اد اکی جائے گی جبکہ انہیں جامعہ کراچی کے قبرستان میں سپرد خاک کیا جائےگا۔

پروفیسر ڈاکٹر ارتقاق علی نے شعبہ تعلیم میں بے پناہ خدمات انجام دی ہیںشعبہ تعلیم سے وابستہ شخصیات ان کی علمی خدمات کو کبھی فراموش نہیں کرسکتی۔

لاہور: لیڈز یونیورسٹی لاہورکے وائس چانسلر ڈاکٹر محمد رفیق بلوچ اچانک دل کا دورہ پڑنے سےدنیاسے رخصت ہوگئے

لیڈز یونیورسٹی لاہورکے وائس چانسلر ڈاکٹر محمد رفیق بلوچ اچانک دل کا دورہ پڑنے سے انتقال کرگئے۔

ان کی نمازہ جنازہ ان کے آبائی شہر کوئٹہ میں ادا کی جائے گی۔

انکی تعلیمی میدان میں گراں قدر خدمات کو ہمیشہ یاد رکھا جائیگا۔

لاہور لیڈز یونیورسٹی کی انتظامیہ ، اساتذہ اور طلبہ و طالبات مرحوم کے اہل خانہ کے غم میں برابر کے شریک ہیں۔

لیڈز یونیورسٹی ان کے سوگ میں 3 دن تک بند رہے گی۔

کراچی :محکمہ اسکول ایجوکیشن سندھ بھی ایکشن میں آگئے۔

محکمہ اسکول ایجوکیشن سندھ نے غیر قانونی اور گھوسٹ طریقے سے بھرتی ہونے والے اساتذہ اور غیر تدریسی عملے کیخلاف سخت ایکشن لینے کا فیصلہ کیا ہے۔

اس ضمن میں سیکریٹری اسکول ایجوکیشن سندھ نے صوبہ بھر کے تمام ڈائریکٹرز کو محکمہ میں غیرقانونی طریقے سے بھرتی ہونے والے اساتذہ اور غیر تدریسی عملے کی فہرست مرتب کرنے کا حکم دے دیا ۔

سیکریٹری اسکول ایجوکیشن احمد بخش ناریجو کی زیر صدارت ہونے وا لے اجلاس میں کورٹ میں دائر کیسز سمیت محکمہ اسکول ایجوکیشن غیر قانونی طریقے سے بھرتی ہونے والے اساتذہ اور عملے سے متعلق اہم فیصلے کئے گئے۔

ذرائع نے بتایا کہ سیکریٹری اسکول ایجوکیشن کی ہدایت کے بعد ضلعی ایجوکیشن افسران اور تعلقہ ایجوکیشن افسران نے محکمہ اسکول ایجوکیشن میں غیر قانونی بھرتی اور غیر حاضر رہنے والے اساتذہ و گھوسٹ اساتذہ کی بھی فہرست مرتب کرنا شروع کر دی ہے۔