ایمز ٹی وی (فارن ڈیسک) : نچلی پرواز کرنے والے ایک چھوٹے ڈرون طیارے کے وائٹ ہاؤس کامپلکس میں گرنے سے افرا تفری پھیل گئی۔

پیر کو پیش آنے والے واقعہ کے بعد حفاظتی اقدام کے طور پر وائٹ ہاؤس کو کچھ دیر کیلئے بند کر دیا گیا۔

سیکریٹ سروس کے ترجمان برائن لیارے نے بتایا کہ گرنے والا ڈرون بازار میں دستیاب ایک عام کواڈ کاپٹر تھا۔

انہوں نے بتایا کہ ڈرون وائٹ ہاؤس کامپلکس کے جنوب مشرق میں رات تین بجے کے قریب گرا اور ایجنسی ملزمان کی شناخت اور واقعہ کی تحقیقات کر رہی ہے۔

خیال رہے کہ کواڈ کاپٹرز مشغلہ کے طور پر اور کمرشل آپریٹرز میں مقبول ہیں۔

عموماً، ان طیاروں کا وزن کچھ کلو گرام سے زیادہ نہیں ہوتا اور مارکیٹ میں ان کی قیمت سینکڑوں ڈالرز میں ہے۔

صدر بارک اوباما اور ان کی بیوی مشل اوباما ان دنوں انڈیا کے دورہ پر ہیں، تاہم یہ معلوم نہیں ہو سکا کہ واقعہ پیش آنے کے وقت ان کی بیٹیاں ساشا اور مالیا گھر پرتھیں یا نہیں۔

وائٹ ہاؤس نے صدر کے دورہ سے پہلے بتایا تھا کہ ان کی بیٹیاں واشنگٹن میں ہی رہیں گی تاکہ ان کی تعلیم متاثر نہ ہو

ایمز ٹی وی (فارن ڈیسک) : ٹھیک ہی کہتے ہیں کہ دوستی کا جذبہ رنگ اور نسل سمیت ہر قسم کے امتیاز سے پاک ہوتا ہے،یقین نہ آئے تو اس نوجوان کوہی دیکھ لیجئے جس نے خونخوار شیرنی کو اپنا بہتر ین دوست بنا لیا ہے۔افریقہ کے جنگلات میں موجوداس بہادر نوجوان نے ماں کی محبت سے محروم ننھی شیرنی کی دیکھ بھال کی ذمہ داری خود سنبھالی اور آج تک اس ذمہ داری کو انتہائی دلیری اور خوش اسلوبی سے نبھا رہا ہے ۔اس نوجوان کی اپنی پالتو شیرنی سے محبت کی انوکھی مثال شاید ہی کہیں ملے جو نہ صرف آپس میں گھنٹوں کھیلتے ہیں بلکہ یہ شیرنی اپنے مالک کوبغیر نقصان پہنچائے گلے لگا کر پیار بھی کرتی ہے۔اپنے مالک کے ساتھ ملکر شکار پر نکلتی یہ شیرنی نہ صرف اپنے خوب لاڈ اٹھواتی ہے بلکہ پانی میں تیراکی بھی کرتی ہے۔کیوں ہو گئے نا حیران!

کراچی(ایمز ٹی وی)کراچی سمیت سندھ بھر میں آج صبح آٹھ بجے تمام سی این جی اسٹیشنز کو گیس کی فراہمی معطل کردی گئ ۔سوئی سدرن کمپنی کا کہنا ہے کہ سندھ بھر میں24 گھنٹوں کے بعد سی این جی بحال کی جائے گی۔

ایمز ٹی وی (کوئٹہ): بلوچستان حکومت نے 21ویں آئینی ترمیم کے تحت قائم ہونے والی فوجی عدالتوں میں سماعت کیلئے دہشت گردی کے 54 مقدمے منتخب کیے ہیں۔

یہ مقدمے سیکورٹی حکام کے ایک اعلی سطحی اجلاس میں منتخب کیے گئے۔

صوبائی سیکریٹری داخلہ اکبر حسین درانی نے میڈیا کو بتایا کہ ان 54 مقدموں میں سے 19 کالعدم تحریک طالبان افغانستان، 18 لشکر جھنگوی اور 17سپاہ محمد سے متعلق ہیں۔

دہشت گردی کے خلاف قومی ایکشن پروگرام پر عمل درآمد کی ذمہ دار صوبائی کمیٹی ان مقدموں کوحتمی فیصلہ کیلئے وفاقی حکومت کو بھجوائے گی۔

بلوچستان کے آئی جی محمد املیش خان نے بتایا کہ ان 54 مقدموں کے 168 ملزمان ہیں، جن میں سے 88 زیر حراست جبکہ باقی مفرور ہیں۔

انہوں نے مزید بتایا کہ مجرم قرار پانے والے 14 شدت پسندوں کی رحم کی اپیلیں وفاقی حکومت کے سامنے پڑی ہیں اور صوبائی حکومت نے اسلام آباد سے انہیں مسترد کرنے کی اپیل کر رکھی ہے۔