ایمزٹی وی (سیاسی) سیالکوٹ میں ایم کیو ایم کے ضلعی نائب صدر باؤ انور کے قتل کا مقدمہ نامعلوم افراد کیخلاف درج کرلیا گیا ہے۔ انکی رسم سوئم آج ہوگی۔ سیالکوٹ کے علاقے شہاب پورہ میں منگل اور بدھ کی درمیانی شب نامعلوم افراد کی فائرنگ سے قتل ہونے والے ایم کیو ایم کے ضلعی نائب صدر باؤ انور کے قتل کا مقدمہ انکے بھائی محمد شبیر کی مدعیت میں تھانا حاجی پورہ میں درج کرلیا گیا ہے۔ مقدمہ نامعلوم افراد کیخلاف درج کیا گیا ہے۔ ملزمان کی گرفتاری کےلئے مختلف مقامات پر چھاپے مارے جارہے ہیں، تاہم اب تک کوئی گرفتاری عمل میں نہیں آئی ہے۔ باو ٔانور کا سوئم آج ہوگا ۔

ایمزٹی وی (موسمیات) ملک کے بیشترعلاقوں میں موسم سرد اور خشک ہے۔ بلوچستان کے شمالی علاقوں میں بڑھتی سردی نے جلانے کی لکڑی کے دام بھی بڑھا دیئے ہیں۔ بلوچستان میں چمن، پشین، زیارت اور مسلم باغ سمیت شمالی علاقے سخت سردی کی لپیٹ میں ہیں۔ سردی میں اضافے کے ساتھ ہی جلانے کی لکڑی کے دام بھی بڑھ گئے ہیں اور لوگ منہ مانگے دام میں لکڑی خرید رہے ہیں۔ گلگت بلتستان، مالاکنڈ اور ہزارہ ڈویژن میں سردی کی لہر برقرار ہے ساتھ ہی موسمی امراض بھی تیزی سے پھیل رہے ہیں۔ جس سے بچے اور خواتین زیادہ متاثر ہیں۔ محکمہ موسمیات کے مطابق سندھ اور بلوچستان سمیت دیگرعلاقوں میں موسم خشک اور سرد رہنے کا امکان ہے۔ رواں ہفتے کے آخر میں سردی میں بتدریج کمی ہونے کی توقع ہے ۔

ایمز ٹی وی (فارن ڈیسک ) برازیل کے شہر ساؤ پولو میں بارشوں کےبعد سیلابی صورتحالمیں سڑکیں اور گلیاں پانی میں ڈوبی ہوئی ہیں۔ ساؤ پولو میں طوفانی بارشوں کے نتیجے میں جگہ جگہ پانی جمع ہو گیا ہے،ٹریفک متاثر ہونے سے لوگوں کو اپنی منزلوں تک پہنچنے میں دشواری کا سامنا ہے،سڑکوں پر کھڑی ہوئی گاڑیاں اور بسیں پانی میں ڈوبی ہوئی ہیں،جبکہ سیلابی پانی کے باعث مکانات اور لوگوں کے کاروبار کو بھی نقصان پہنچا۔

ایمزٹی وی (سیاسی) پاکستان تحریک انصاف کے پلان سی کے تحت کل کراچی بند کرانے کی منصوبہ بندی کے جواب میں پولیس نے بھی لائحہ عمل تیار کرلیا ہے۔ کراچی پولیس چیف کا کہنا ہے کہ کسی کو قانون شکنی نہیں کرنے دیںگے۔ کراچی پولیس چیف غلام قادر تھیبو نے جیو نیوز کو بتایا کہ کراچی میں احتجاج یا جلسہ جلوس کرنا کسی بھی شہری کا جمہوری حق ہے، دفعہ 144 کے تحت پانچ یا اس سے زائد افراد کے جمع ہونے کی بھی کوئی پابندی نہیں ہے۔ پی ٹی آئی کی جانب سے کل 12 دسمبر کو شہر بند کرنے کے حوالے سے ایک سوال کے جواب میں ایڈیشنل آئی جی کراچی غلام قادر تھیبو نے کہا کہ کوئی شہری اپنی مرضی سے اپنی دکان، دفتر یا کاروبار بند کرنے کا اختیار رکھتا ہے لیکن اس سلسلے میں کسی کو دھونس، دھاندلی یا زبردستی نہیں کرنے دیںگے۔ جلاؤ گھیراؤ یا قانون ہاتھ میں لینے والے افراد سے سختی سے نمٹا جائیگا۔ غلام قادر تھیبو نے بتایا کہ پی ٹی آئی کی قیادت نے 12 دسمبر کے حوالے سے کراچی کے 25 سے زائد مقامات پر احتجاج کرنے کا لائحہ فراہم کیا ہے۔ جسکے تحت شاہراہ فیصل نرسری، کلفٹن تین تلوار، نمائس چورنگی، ملیر، نارتھ ناظم آباد، صدر اور لیاری کے علاقوں میں مرکزی پروگرام ہونگے۔ غلام قادر تھیبو کیمطابق پی ٹی آئی کے احتجاج کرنے والے رہنماؤں اور کارکنوں کو مکمل سیکورٹی فراہم کی جائیگی۔ پولیس چیف کیمطابق کل شہر میں امن و امان برقرار رکھنے کے لئے پولیس کی اضافی نفری تعینات کردی گئی ہے انہوں نے توقع ظاہر کی کہ کل کراچی میں فیصل آباد کے احتجاج جیسی صورت حال نہیں ہوگی ۔