ایمز ٹی وی( فارن ڈیسک )  افغانستان کے شہر کابل میں مشہور کنگ فو اسٹار بروس لی کے ہم شکل افغانی عباس علی زادہ کی تصاویر اور وڈیو کی آج کل انٹر نیٹ پرموجود ہیں -۔انٹر نیٹ پر موجود تصاویر میں عباس بروس لی کی فائٹنگ اسٹائل کی کاپی کرتا نظر آتا ہے ، عباس کا ہئیر اسٹائل بھی بروس لی جیسا ہی ہے ۔عباس کا کہنا ہے کہ وہ ہالی وڈ اسٹار بننا چاہتا ہے ، وہ نن چک سے کنگ فو کی پریکٹس بھی کرتا ہے

ایمزٹی وی (فارن ڈیسک) پاک ، امریکا دفاعی مشاورتی گروپ کا اجلاس ختم ہوگیا، امریکا نے شمالی وزیرستان میں جاری پاک فوج کے آپریشن کو سراہتے ہوئے کہا کہ آپریشن سے دہشت گردوں کی کمر ٹوٹ گئی ہے، اجلاس میں پاکستان کی نمائندگی لیفٹیننٹ جنرل ریٹائرڈ عالم خٹک نے کی، پاکستان کے سیکریٹری دفاع بھی انکے ہمراہ موجود تھے، اجلاس کے دوران دونوں ممالک کے درمیان مثبت تعلقات پر اطمینان کا اظہار کرتے ہوئے اس بات پر اتفاق کیا گیا کہ خطے میں قیام امن و استحکام اور القاعدہ سمیت دیگر دہشت گرد گروپوں کو شکست دینے کے لیے دو طرفہ تعاون ضروری ہے۔ امریکا نے شمالی وزیرستان میں پاک فوج کے آپریشن کی اہمیت کو سراہتے ہوئے اس بات کا اعتراف کیا کہ آپریشن کے نتیجے میں جنگجوئوں کی کمر ٹوٹی ہے۔اس موقع پر امریکا نے پاکستانی وفد کو آگاہ کیا کہ افغانستان میں امریکی فوجیوں کے قیام کا مقصد افغان سیکورٹی فورسز کی تربیت کرنا اور القاعدہ کے دوبارہ ابھرنے کے خدشات کو روکنا ہے، پاک، افغان، سرحد پر سیکورٹی کو یقینی بنانے کے لیے امریکا کی جانب سے پاکستان کو بھرپور مدد کی یقین دہانی بھی کرائی گئی ۔

ایمزٹی وی (فارن ڈیسک) بھارتی اخبار”ٹائمز آف انڈیا“ کیمطابق بھارت میں 15 ہزار سے زائد پاکستانی غیر قانونی طور پر قیام پذیر ہیں، یہ ایسے پاکستانی شہریوں کی تعداد ہے جنکے ویزے کی مدت ختم ہوچکی ہے اسکے باوجود وہ واپس پاکستان نہیں آئے۔ راجیہ سبھا میں اٹھائے گئے ایک سوال کے جواب میں وزیر مملکت برائے داخلہ کرن رججو نے کہا کہ 31 دسمبر 2013 تک بھارت میں 15179 پاکستانی غیر قانونی طور پر قیام پزیر تھے۔ اس سلسلے میں مہاراشٹرا دوسرے نمبر پر جہاں سب سے زیادہ پاکستانی ٹھہرے ہیں جنکے ویزے کی مدت ختم ہوچکی ہے۔ پارلیمنٹ میں پیش کیے گئے اعداد و شمار کے مطابق سب سے زیادہ راجستھان میں 8500 پاکستانی غیر قانونی طور پر موجود ہیں۔ مہاراشٹرا میں 2023، مدھیہ پردیش (1,779) گجرات (1,694) اتر پردیش (341) اور مغربی بنگال میں (220) پاکستانی غیر قانونی قیام پزیر ہیں۔ ان ریاستوں میں راجستھان، مہاراشٹر، مدھیہ پردیش اور گجرات میں اس وقت بی جے پی کی حکومت ہے۔ راجیہ سبھا کے رکن نارائن لال پنچاریا نے یہ سوال کیا کہ گزشتہ دس سال میں بھارت آنے والے ان پاکستانیوں کی تعداد بتائی جائے جو ویزے کی معیاد ختم ہونے کے باوجود واپس اپنے وطن نہیں گئے۔ وزیر مملکت نے کہا کہ 2013 میں 74,569 پاکستانی بھارت پہنچے جبکہ 58 کواسی سال ملک بدر کیا گیا ۔

ایمز ٹی وی (فارن ڈیسک  ) جنوبی افریقا میں انسانی اسمگلنگوں کے چنگل سے30ایشیائی باشندوں کو پولیس نے اپنی حراست میں لے لیا،ان میں پندرہ پاکستانی اور پندرہ بنگلادیشی ہیں۔ انسانی اسمگلنگ کے الزام میں ایک پاکستانی اورایک سوئس شہری کو بھی گرفتار کرلیاگیا۔پولیس نے متاثرین کے خاندانوں سے دس لاکھ پاکستانی روپے کے عوض فی متاثرہ شخص کی رہائی کی پیش کش کردی- ان پر الزام ہے کہ انہوں نے30 ایشیائی باشندوں کی اسمگلنگ کی۔ ٹونگا پولیس کے ترجمان کے مطابق ان دونوں کے پاس سے 15 بنگلا دیشی شہری اور 15 پاکستانی شہری برآمد ہوئے جو انسانی اسمگلنگ کے متاثرین تھے ۔مشتبہ افراد کو انسانی اسمگلنگ ایکٹ کے تحت گرفتار کیا گیا اور جائے وقوعہ سے ملنے والی گاڑی کو بھی ضبط کرلیا گیا جس کے ذریعے متاثرین کو منتقل کیا جاتا تھا۔