ایمزٹی وی(انٹرٹینمںٹ) پاکستانی اداکار فواد خان سنجے لیلا بھنسالی کی نئی فلم پدوماتی میں دیپیکا کے شوہر کا کردار ادا کریں گے جبکہ دپییکا ایک بار پھر مہارانی کا کردار نبھاتی ہوئی نظر آئیں گی۔

تفصیلات کے مطابق معروف ہدایت کار سنجے لیلا بھنسالی نے فواد خان کو فلم پدوماتی کی پیشکش کی، جیسے انھوں نے قبول کرلی، فلم میں فواد خان دیپیکا کے شوہر کے روپ میں جلوہ گر ہوں گے۔ پاکستانی اداکار فواد خان نے 2014 میں بالی ووڈ فلم خوبصورت سے اپنے کیریئر کا آغاز کیا اور تھوڑے ہی عرصے میں شہرت کی بلندیوں پر پہنچ گئے۔

دوسری جانب قیاس آرائیاں کی جاری ہیں کہ رنویر سنگھ بھی اس فلم میں حکمران علاؤ الدین خلجی کا کردار میں جلوہ گر ہوں گے۔ دیپیکا پڈوکون فلم میں مشہور حکمران علاؤ الدین خلجی کی بیوی پدماوتی کے کردار میں نظر آئیں گی، جو اپنی خوبصورتی، بہادری اور ذہانت کے باعث مشہور تھی۔ فلم کی کہانی فلم ’پدماوتی‘ کی کہانی ایک ظالم بادشاہ علاؤ الدین خلجی اور ان کے چتور کی رانی پدماوتی سے لگاؤ کے گرد گھومتی ہے، یہ دیپیکا اور فواد کی ایک ساتھ پہلی فلم ہے، فلم کی شوٹنگ رواں برس ہی شروع کی جائے گی جبکہ فلم کو اگلے سال 2017 میں ریلیز کیا جائے گا۔

واضح رہے کہ اداکار فواد خان ان دنوں نامورہدایت کار کرن جوہر کی فلم ‘اے دل ہے مشکل’ کی شوٹنگ میں مصروف ہیں۔

یاد رہے کہ نئی دہلی میں ہونے والے فیشن ویک میں فواد خان اور دیپیکا کی ریمپ واک نے شو میں چار چاند لگا دیئے تھے، ویلوٹ سے بنی گہرے رنگ کی شیروانی پہنے فواد خان ریمپ پر آئے تو میرون رنگ کا آؤٹ فٹ زیب تن کئے دپیکا بھی ان کے ساتھ تھی۔