ایمزٹی وی (انٹرٹینمینٹ) آج ہم آپ کی ملاقات ایک ایسے شخص سے کروارہے ہیں جو نیو میکسیکو میں اپنے ہاتھوں سے غاروں کو تراش کرآرٹ کے شاہکاروں میں تبدیل کر دیتا ہے۔67 سالہ یہ شخص اپنے منفرد شوق کی خاطر دن رات کی محنت کے بعد غار کی دیواروں سے مٹی کو اپنے ہاتھوں سے تراش کر دیدہ زیب ڈیزائن بناتا ہے۔ غار میں نقش ونگاری کے وقت بعض اوقات یہ فنکار زمین کھودنے کیلئے استعمال کی جانے والی گھینتی (pickaxe) کا بھی استعمال کر لیتا ہے۔ اپنے پالتو کتے کے ہمراہ کئی مہینوں کی محنت کے بعد غار کے درودیوار کسی آرٹ میوزیم کا نظارہ پیش کر نے لگتے ہیں جسکی سجاوٹ اور تیاری میں کسی رنگ کے بغیر صرف مٹی کو ہی تراشا جاتا ہے۔