ایمز ٹی وی (انٹرٹینمنٹ) پاکستان فلم انڈسٹری کی لیجنڈ اداکارہ شبنم نے انڈسٹری میں واپسی کا عندیہ دیتے ہوئے کہا ہے کہ پاکستانی فلم میں اچھا کریکٹر ملا تو ضرورکام کروں گی۔
کراچی میں میڈیا کے نمائندوں سے گفتگو میں ان کا کہناتھاکہ 50 برس میں پہلی بار پاکستان تنہا آئی ہوں، رابن گھوش آج ہم میں نہیں، ہم نے 50 سال اکٹھے گزارے، وہ قدم قدم پر یاد آرہے ہیں۔
انہوں نے کہا کہ میری دعائیں فلم انڈسٹری کے ساتھ ہیں، مجھ سے جو کچھ ہوسکا انڈسٹری کے لیے کروں گی، نئی نسل اچھا کام کررہی ہے،پاکستان کی فلم انڈسٹری آگے بڑھ رہی ہے جو کہ خوش آئند ہے۔