ایمز ٹی وی(انٹرٹینمنٹ)ون ڈائریکشن بینڈ کے سابق رکن و معروف انگریزی گلوکار زین ملک کا پہلا سولو گانا”پلو ٹاک“ لانچ کیلئے تیار کر لیا گیا ہے۔ 23 سالہ ملک کی طرف سے حال ہی میں اپنی شرٹ لیس تصویر کے ساتھ موبائل تصاویر شیئرنگ سروس انسٹا گرام پرنئے گانے کی لانچ کا اعلان کیا گیا ہے۔گلوکار کا کہنا تھا کہ وہ انسانی فطرت اور اس کے تقاضوں سے اچھی طرح واقف ہیں اسی بنا پر انھوں نے ایسا گانا تیار کیا ہے۔ملک کا مزید کہنا تھا کہ وہ مستقبل قریب میں ون ڈائریکشن کو دوبارہ آپس میں اکھٹا کرنے کا ارادہ رکھتے ہیں اور جلد اپنے اس منصوبے کو عملی جامہ بھی پہنا لیں گے۔واضح رہے ون ڈائریکشن بینڈ زین ملک کواپنے ساتھ شامل کیے بغیر اپنے پانچویں البم کی تیاریوں میں مصروف ہے۔