ایمز ٹی وی (انٹرٹینمنٹ) ہالی وڈ کے نامور اداکار بین ایفلک کی نئی ایکشن تھرلر فلم’دی اکاؤنٹنٹ‘کا پہلا ٹریلر جاری کر دیا گیا ہے،اس تھرلر ڈرامہ فلم کو رواں سال 14اکتوبر کو وارنر بروس پکچرز کے تحت نمائش کیلئے پیش کر دیا جائیگا۔ ہدایتکارگیون او کونر کی اس سنسنی خیز فلم کی کہانی ایک ایسے اکاؤنٹنٹ کے گِرد گھوم رہی ہے، جو جرائم پیشہ افراد کے اکاؤنٹس کی دیکھ بھال کرتا ہے اور ایک دن خود بھی بڑی مشکل میں پھنس جاتا ہے۔

مارک ولیئمز اورہاول ٹیلر کی پروڈکشن میں بننے والی اس فلم میں معروف ہالی وڈ اداکار بین ایفلک مرکزی کردار میں جلوۂ گر ہو رہے ہیں، جن کے علاوہ فلم کی دیگر کاسٹ میں اینا کینڈرک ، جے کے سائمنز، جان برنتھل،جیفری ٹیمبر اور جان لیتھگو اہم کرداروں میں اپنی اداکاری کے جوہر دکھا رہے ہیں۔