ایمز ٹی وی(انٹرٹینمنٹ)بالی ووڈ کے دبنگ سلمان خان نے اپنی نئی آنے والی فلم “سلطان” کو درد ناک قرار دیتے ہوئے کہا کہ فلم میں ریسلر کا کردار آسان نہیں بلکہ بہت مشکل تھا۔اپنے ایک انٹرویو میں سلمان خان نے کہا کہ سلطان ان کے لیے جسمانی طور پر بہت مشکل فلم رہی، وہ سمجھتے تھے وہ فلم کی شوٹنگ کے دوران اپنے جسم کو پہنچنے والے درد کو جھیل جائیں گے اور اس سے وہ جسمانی طور پر مزید بہتر ہوجائیں گے لیکن ریسلنگ ایک مشکل کھیل ہے، فلم میں دکھائے جانے والے ایکشن سینز میں ریسلنگ کے داؤ پیچ کے علاوہ مارشل آرٹس کو بھی شامل کیا گیا ہے۔
سلمان خان نے کہا کہ سلطان میں ان پر فلمائے گئے تمام ایکشن خود انہوں نے عکسبند کرائے ہیں، مارشل آرٹس کے ماہرین نے ان کے ساتھ وہی سلوک کیا جیسا عام طور پر وہ اپنے حقیقی مد مقابل کے ساتھ کرتے ہیں اور ان لڑائیوں میں بہت زخمی بھی ہوئے۔ فلم کے مناظر ان کے خون ، پسینے اورآنسؤوں کی ترجمانی کرتے نظر آئیں گے۔
واضح رہے کہ فلم سلطان میں اداکارکے ہمراہ انوشکا شرما بھی نظرآئیں گی جب کہ فلم رواں سال عید کے موقع پرسینیما گھروں کی زینت بنے گئی۔