ایمز ٹی وی (انٹرٹینمنٹ) اداکارہ سنی لیون نے کہاہے کہ اگر وہ اب فلموں میں کام کر رہی ہیں تو اس کا یہ مطلب ہرگز نہیں کہ وہ ہمیشہ فلموں میں ہی کام کرتی رہیں گی ، فلموں کے علاوہ بھی کچھ کرنے کے بارے میں ابھی سے سوچنا شروع کر دیا ہے ۔ ایک انٹرویو میں سنی لیون نے کہا کہ میرے لئے فلموں کا سلسلہ ہمیشہ جاری نہیں رہے گا،تو پھر سوال پیدا ہوتا ہے کہ جب میں فلموں میں کام نہیں کروں گی تو پھر کیا کروں گی ؟جس کے بارے میں ابھی سے پلاننگ شروع کر دی ہے ۔سنی لیون نے کہا فلم انڈسٹری میں شامل تمام کامیاب لوگوں کو دوسرے کاروبار کا بھی سوچنا چاہئے تاکہ فلم کے علاوہ ہم دوسرے شعبوں میں بھی کامیابی حاصل کر سکیں ۔انہوں نے کہا ساری زندگی بھارتی فلموں کا حصہ نہیں رہوں گی اور نہ ہی میرا ہمیشہ فلموں میں کام کرنے کا ارادہ ہے تاہم اسی انڈسٹری سے جڑی رہنا چاہتی ہیں لہٰذا میں ابھی سے پلاننگ کر رہی ہوں کہ فلم انڈسٹری کو چھوڑنے کے بعد میں نے کس شعبے کو اختیار کرنا یا کیا کاروبار کرنا ہے