ایمز ٹی وی (مانیٹرنگ ڈیسک) ماہرین کی جانب سے ایک ایسی نوٹ بک متعارف کرائی گئی ہے جس کو ‘ایور لاسٹنگ نوٹ بک’ کا نام دیا گیا ہے۔

ایور لاسٹنگ کے نام سے یہ نوٹ بک راکٹ بک نےبنائی ہے۔ اس نوٹ بک پرلکھنے کے لئے ماہرین کی جانب سے کچھ مخصوص پینز بھی تیار کئے گئے ہیں۔

اس نوٹ بک پر لکھنے کے بعد پین کی سیاہی خشک ہوجاتی ہے ۔ اگر لکھتے ہوئے کوئی غلطی ہوجائے تو گیلے کپڑے کی مدد سے آپ وہ لفظ ٹھیک کرکے لکھ سکتے ہیں۔

جب نوٹ بک پوری بھر جائے تو نئی نوٹ بک خریدنے کی ضرورت نہیں ہے بلکہ گیلے کپڑے کی مدد سے نوٹ بک پر موجود لکھائی کو مٹایا جاسکتا ہے اور دوبارہ سے نیا بنایا جاسکتا ہے۔

لیکچر یا ہوم ورک کو مٹانے سے پہلے ایپ کی مدد سے اسکین بھی کیا جاسکتا ہے تاکہ وہ محفوظ رہے۔

کمپنی کا کہنا ہے کہ ایور لاسٹنگ نوٹ بک کی شپنگ اپریل 2017 میں شروع کردی جائے گی۔