ایمز ٹی وی(مانیٹرنگ ڈیسک) سوشل سائٹس پر تصاویر آرٹ ورک میں تبدیل کرکے شیئر کرنے کی سہولت فراہم کرنے والی پرزما ایپ نے مزید دیدہ زیب فیچر متعارف کرادئیے۔ پرزما نے اپنے ایپ میں 20 نئے آپشن متعارف کرائے ہیں، جو صارف کو اپنی پسند کے آرٹ، رنگ، موسم اور عکس کی سہولت فراہم کریں گے۔ پرزما ایپس کے استعمال کرنے میں کوئی تبدیلی نہیں کی گئی، بلکہ جیسے ہی پرزما میں تصویر کو آرٹ کرنے کے لیے ڈالا جائے گا تو پرزما نئے متعارف کردہ آپشن کو استعمال کرنے کی پیش کش کرے گا۔ پرزما کے مطابق نئے دیدہ زیب فیچرز دنیا کے معروف آرٹسٹوں اور پینٹرز کی جانب سے استعمال کیے گئے رنگوں اور تخلیقوں کو دیکھ کر بنائے گئے ہیں۔ ایپ میں موسموں کے حساب سے بھی اب تصاویر کو آرٹ میں تبدیل کیا جاسکے گا۔ پرزما نے نے گزشتہ برس مزید تبدیلیاں کرنے کا اعلان کیا تھا، جس کے بعد ایپ نے حال ہی میں تبدیلی کی۔ پرزما کی جانب سے فوٹوز آرٹ ورک ایپ کے بعد ویڈیو سپورٹ بھی جلد متعارف کرائے جانے کا امکان ہے۔