ھفتہ, 04 فروری 2023


ایپل کاٹوئٹرکوایپ اسٹورسےنکالنےکاکوئی ارادہ نہیں، ایلون مسک

ویب ڈیسک : ایپل کی جانب سے ٹوئٹرکو ایپ اسٹورسے ہٹانے کے حوالےسےانہیں ہونے والی غلط فہمی دور ہوگئی ہے۔

ٹوئٹر کے نئے مالک کی جانب سے گزشتہ دنوں کئی ٹوئٹس میں ایپل پر تنقید کرتے ہوئے کہا گیا تھا کہ اسمارٹ فون کمپنی نے ٹوئٹر کے لیے اپنے اشتہارات ختم کردیے ہیں اور سوشل نیٹ ورک کو ایپ اسٹور سے باہر نکالنے کی دھمکی دی ہے۔

مگر یکم دسمبر کو اپنے ٹوئٹ میں ایلون مسک نے بتایا کہ انہوں نے ایپل کے ہیڈکوارٹر میں جاکر سی ای او ٹم کک سے ملاقات کی ہے۔

انہوں نے بتایا کہ ٹم کک سے اچھی گفتگو ہوئی ہے اور ایپ اسٹور سے ٹوئٹر کو ہٹانے کے حوالے سے ہونے والی غلطی فہمی کو دور کرلیا گیا ہے۔

ایلون مسک کا کہنا تھا کہ ٹم کک نے واضح کیا کہ ایپل کا ٹوئٹر کو ایپ اسٹور سے نکالنے کا کوئی ارادہ نہیں۔

پرنٹ یا ایمیل کریں

Leave a comment