جمعہ, 31 مارچ 2023


عہدہ چھوڑنےکےووٹ کےبعدایلون مسک کادوٹوک جواب

ٹوئٹر کے سی ای او کے عہدے کو چھوڑنے کے لیے ایک کروڑ سے زیادہ افراد کی جانب سےووٹ دیے جانے کے بعد ایلون مسک نے ردِ عمل کااظہار کردیا۔

خیال رہے کہ ایلون مسک نے سوشل میڈیا پلیٹ فارم کی سربراہی چھوڑنے کے حوالے سے عوام سے ایک ٹوئٹر پول کے ذریعے رائے طلب کی تھی۔

اس پول میں 57.5 فیصد افراد نے ایلون مسک کو ٹوئٹر کے سی ای او کا عہدہ چھوڑنے کا کہا تھا۔

19 دسمبر کی سہ پہر کو ختم ہونے والے پول کے بعد ایلون مسک کی جانب سے کئی گھنٹوں تک خاموشی اختیار کی گئی اور پھر ایک ٹوئٹ کے ذریعے اپنے ردعمل کا اظہار کیا۔

مگر اپنے اکاؤنٹ پر ٹوئٹ کرنے کی بجائے ایک صارف کے میسج پر انہوں نے اپنے ردعمل کا اظہار کیا جس نے کہا تھا کہ پالیسی سے متعلق پولز پر صرف ماہانہ فیس ادا کرنے والے ٹوئٹر بلیو کے صارفین کو ووٹ ڈالنے کی اجازت ہونی چاہیے۔

ایلون مسک نے اس صارف کے ٹوئٹ کا جواب دیتے ہوئے کہا کہ یہ اچھا نکتہ ہے اور ٹوئٹر میں یہ تبدیلی کی جائے گی۔

پرنٹ یا ایمیل کریں

Leave a comment