ایمزٹی وی(انٹرنیشنل) ترکی اور روس کے سفارتی تعلقات میں کشیدگی کم ہونے لگی۔ غیر ملکی خبر ایجنسی کا کہنا ہے کہ ترک صدر طیب اردوان نو اگست کو روس کا دورہ کریں گے۔
طیب اردوان روسی ہم منصب ولادی میر پیوٹن سے سینٹ پیٹرز برگ میں ملاقات کریں گے جس میں دونوں ممالک کے باہمی تعلقات او ر عالمی معاملات زیر بحث آئیں گے۔ ترکی کی جانب سے روسی جنگی طیارہ گرائے جانے کے بعد دونوں رہنماؤں کی پہلی ملاقات ہو گی۔
دوسری طرف ترکی کی ناکام بغاوت کے بعد باغیوں کی پکڑ دھکڑ جاری ہے۔ افغانستان میں تعینات دو ترک جنرلوں کو دبئی ائیرپورٹ سے گرفتار کر لیا گیا۔ دونوں جنرل ترکی میں ہونے والی بغاوت میں ملوث تھے۔