ایمز ٹی وی(انٹرنیشنل) سرچ انجن گوگل اور آن لائن ایجوکیشن کمپنی اوڈیسٹی نے بھارت میں آئی ٹی کورسز کرانے شروع کر دیئے ہیں ۔ گوگل اور اوڈیسٹی کے ساتھ اس سارے عمل میں بھارتی بزنس ٹائیکون ٹاٹا نے اتحاد کیا ہے۔اور ان کورسز کا فوکس اینڈرائیڈ ایپ ڈیولپمنٹ پر ہے۔ اس کورس کی ماہانہ فیس 148ڈالرز رکھی گئی ہے۔ کورس کا دورانیہ چھ سے نو ماہ ہوگا جس میں گوگل کے ماہرین امریکہ سے طلبہ کو آن لائن لیکچر دیں گے اور کورس کے اختتام پر طلبہ کو آدھی ٹیوشن فیس واپس کر دی جائے گی۔ گوگل کی جانب سے ایک ہزار اسکالر شپس بھی دی جائیں گی جبکہ کورس کرنے والے تمام افراد کو آئندہ ماہ گوگل انڈیا کی جانب سے منعقدہ جاب میلے میں بھی مدعو کیا جائے گا۔