ایمز ٹی وی (انٹرنیشنل) امریکی انٹیلی جنس ایجنسی (سی آئی اے) کے ڈائریکٹر جان برینن کا ذاتی ای میل اکاﺅنٹ ہیک ہوگیا ہے اور ہیک کرنے والا ایک ہائی اسکول کا طالب علم ہے۔ہیکر نے اکاﺅنٹ ہیک کرنے کے بعد اپنے ٹوئٹر اکاﺅنٹ پر جان برینن کی فائلوں کے لنک بھی ڈال دئیے ہیں ۔ ان لنکس میں جان برینن کے روابط کی فہرست ۔ سی آئی اے کے سابق ڈپٹی ڈائریکٹر کی فون کالز کی فہرست اور دیگر دستاویز ہیں۔ ہیکر نے مزید ہوم لینڈ سیکیورٹی کے سیکرٹری جے جانسن کے ای میل اکاﺅنٹ تک رسائی حاصل کرنے کا بھی دعویٰ کیا ہے۔