منگل, 27 اکتوبر 2020


دہشت گردی کا علاج نہ کیا تو تاریخ ہمیں معاف نہیں کرے گی، نواز شریف  

ایمزٹی وی(اسلام آباد) وزیراعظم نواز شریف نے کہا ہے کہ پاکستان میں ایک غیرمعمولی صورت حال ہے، ہم نے کمزور اقدامات اٹھائے تو قوم قبول نہیں کرے گی۔ وزیراعظم کی زیرصدارت قومی پارلیمانی رہنماؤں کے اجلاس سے خطاب کے موقع پر نوازشریف کا کہنا ہے کہ پاکستان میں غیر معمولی صورت حال غیر معمولی اقدامات کا تقاضا کرتی ہے، خوشی کی بات ہے کہ پشاور کے سانحہ پر تمام رہنما ایک ہی صفحے پر ہیں، جس طرح پشاور میں بچوں کو مارا گیا انسانی تاریخ میں ایسی مثال شاید ہی ہو۔ دہشت گردی کینسرجیسی بیماری ہے، جسکاعلاج نہ کیا تو تاریخ ہمیں معاف نہیں کرے گی، یہ مرض نہیں ایک بڑی بیماری ہے جسکا علاج ہم سب نے ملکر کرنا ہے، قوم کی نظریں ہم پر لگی ہیں وہ دیکھ رہی ہے کہ ہم کیا فیصلے کرتے ہیں۔ لولے لنگڑے فیصلوں کا کوئی فائدہ نہیں ہوگا، سخت فیصلے کرنے ہیں، ہمیں یہ فیصلے ان کے خلاف کرنے ہیں جو پاکستان کو جڑ سے اکھاڑ پھینکنا چاہتے ہیں، میں تمام لوگوں کا مشکور ہوں کہ سب نے مسئلے کے حل کیلئے تعاون کی یقین دہانی کرائی، سب نے ذمہ داری کا ثبوت دیا انہوں نے کہا کہ اجلاس میں شرکا کی آمد کا خیرمقدم کرتا ہوں ۔

پرنٹ یا ایمیل کریں

Leave a comment