جمعرات, 25 فروری 2021


نواز، زرداری پارٹنرشپ ختم کریں گے،عمران خان...

 ایمز ٹی وی (اسلام آباد) ڈی چوک اسلام آباد میں دھرنے کے شرکاء سے خطاب کرتے ہوئے عمران خان نے کہاکہ ظلم اور ناانصافی کے خلاف آواز بلند کرنا سب سے بڑا جہاد ہے۔ جب تک زندہ ہوں نوازشریف اور آصف زرداری کا مقابلہ کروں گا۔ کوئی سوچے بھی نہ کہ نوازشریف کے جانے تک دھرنا ختم ہوگا۔ عمران خان نے کہا کہ اوور بلنگ کرکے لوگوں سے ستر ارب نکلوائے گئے۔ حکومت میرا بجلی کا میٹر کاٹنا چاہتی ہے۔ میڈیا کے سامنے خود میٹر کٹواؤں گا۔ انہوں نے کہا کہ اب نوازشریف نہیں چل سکتا، انہیں جانا ہو گا۔ گونوازگو نعرے کی وجہ سےاب نوازشریف عوام میں نہیں جا سکتا۔ انہوں نے کہا کہ سابق چیف جسٹس افتخار چوہدری بہت سستا بکا،عوام بیدار ہوگئی اور اس میں سیاسی شعور آگیا ہے،آزادی لیکر رہیں گے اور نواز، زرداری پارٹنرشپ ختم کریں گے۔ الیکشن کمیشن سے آصف زرداری اور نوازشریف نے اثاثوں کی تفصیلات لے رہے ہیں،جس کے بعد ان کے اصل اثاثے عوام کو بتائیں گے۔ نواز، زرداری کے اثاثوں کی تفصیلات کے لئے سوئس حکومت سے بھی رابطہ کریں گے۔

 

پرنٹ یا ایمیل کریں

Leave a comment