ایمزٹی وی(اسلام آباد)وزیرداخلہ چوہدر ی نثار کی زیر صدارت سیکیورٹی اجلاس ہوا جس میں نگرانی میں اضافہ اور انٹیلی جنس بہتر بنانے کے لئے سائنسی طریقے استعمال کرنے کی ہدایت کی گئی۔
ذرائع کے مطابق سیکیورٹی اجلاس میں چوہدری نثار نے ایف آئی اے اور پی ٹی اے کو متنازع مواد اپ لوڈ کرنے والوں کی کڑی نگرانی کی ہدایت کی جبکہ بس اسٹینڈ،گیسٹ ہاوسز اور ہوٹلوں پر بھی سیکیورٹی سخت کرنے کا حکم دیا۔
ان کا کہنا تھا کہ اسلام آباد اور راولپنڈی میں کومبنگ آپریشنز کی نگرانی اورچیک پوسٹس کا جائزہ لینے کے لیے الگ کمیٹیاں قائم کی جائیں اوران کمیٹیوں کو سپیشل برانچ بھی معاونت فراہم کرے گی۔ ملک بھر میں تعلیمی اداروں کی سیکیورٹی کوبھی یقینی بنایا جائے۔