ایمز ٹی وی(اسلام آباد)محکمہ موسمیات نے رواں ہفتے کے اختتام سے آئندہ ہفتے کے وسط تک ملک کے بالائی علاقوں میں گرج چمک اور تیز ہواؤں کے ساتھ بارش کی پیشگوئی کی ہے لیکن ساتھ ہی یہ بھی بتایا ہے کہ آئندہ دو روز کے دوران جنوبی علاقوں سندھ، بلوچستان اور جنوبی پنجاب میں گرمی زوروں پر ہوگی۔ 

موسم کا حال بتانے والوں نے خبر دی ہے کہ اتوار کی شام سے بدھ کے دوران اسلام آباد، فاٹا، مالاکنڈ، ہزارہ، پشاور، کوہاٹ، مردان، بنوں، ڈی آئی خان ڈویژن، راولپنڈی، سرگودھا، فیصل آباد، گوجرانوالہ، لاہور ڈویژن، گلگت بلتستان اور کشمیر میں کہیں کہیں  گرج چمک اور تیز ہواؤں کے ساتھ بارش کا امکان ہے۔ منگل اور بدھ کے روز کوئٹہ، ژوب، ڈی آئی خان، ملتان اور ساہیوال ڈویژن میں چند مقامات پر گرج چمک کے ساتھ بارش متوقع ہے۔محکمہ موسمیات کے مطابق  آئندہ دو روز کے دوران ملک کے جنوبی علاقوں سندھ، بلوچستان، جنوبی پنجاب میں گرمی کی شدت میں مزید اضافے کا امکان ہے