پیر, 26 اگست 2019


عازمین حج کی پہلی پرواز روانہ

 اسلام آباد: روڈ ٹو مکہ منصوبے کے آغاز کے بعد سعودی ایئرلائن کی پرواز ایس وی 719 عازمین حج کولے کرمدینہ روانہ ہوگئی۔

ذرائع کے مطابق روڈ ٹومکہ منصوبے کا آغاز ہوگیا۔ سعودی ایئرلائن کی پرواز 350 عازمین حج کو لے کر 10 بجکر40 منٹ پر مدینہ روانہ ہوگئی۔ پہلی حج فلائٹ کو وزیرمذہبی امورپیرنورالحق قادری اوروفاقی وزیرہوابازی غلام سرورخان نے روانہ کیا۔

دوسری جانب وفاقی وزیرغلام سرورخان کا کہنا ہے کہ روڈ ٹومکہ کے انعقاد پر ہم سعودی حکومت کے شکر گزار ہیں، روڈ ٹو مکہ کے لیۓ وزیر اعظم عمران خان نے اہم کردار ادا کیا، منصوبے کے تحت 22000 حجاج فائدہ اٹھائیں گے۔

ادھر کراچی سے پہلی حج پرواز کل سعودی عرب جائے گی۔ مجموعی طور پر 95 پروازوں سے 25 ہزار 81 سے زائد عازمینِ حج کو جدہ اور مدینہ منورہ بھیجا جائے گا۔

پرنٹ یا ایمیل کریں

Leave a comment