ھفتہ, 24 اگست 2019
×

Warning

JUser: :_load: Unable to load user with ID: 45


"را" کا ایجنٹ حوالے کرو!

 

ایمزٹی وی (اسلام آباد)بلوچستان سے بھارتی خفیہ ایجنسی ’را‘ کے دہشت گرد سے ہونے والی تفتیش میں پاکستان نے ایران سے وہاں موجود بھارتی ایجنٹ راکیش کی حوالگی کا مطالبہ کردیا ہے۔ تفصیلات کےمطابق وفاقی وزیر داخلہ چوہدری نثار سے ایرانی سفیر مہدی ہنر دوست نے پنجاب ہاؤس اسلام آباد میں ملاقات کی جس میں بھارتی خفیہ ایجنسی را کے ایجنٹ کی گرفتاری سے متعلق امور، حکومت پاکستان کی جانب سے ایرانی سفارتخانے کو بجھوائے گئے نوٹس اور ایرانی سرزمین پر موجود ’را‘ کے نیٹ ورک کے حوالے سے پاکستانی خدشات پر تبادلہ خیال کیا گیا۔
اس موقع پرچوہدری نثارکا مزید کہنا تھا کہ ایران کی سرزمین پر بھارتی خفیہ ایجنسی کے ایجنٹ کا موجود ہونا باعث تشویش ہے، ایران اپنی سرزمین پر تاحال موجود بھارتی ایجنٹ راکیش عرف رضوان کو پاکستان کے حوالے کرے۔ انھوں نے کہا کہ ایرانی حکومت پاکستان کے ریفرنس کا سنجیدگی سے جائزہ لے تاکہ دونوں ممالک کی سرحدوں پر اعتماد سازی بڑھے، پاکستان بھارتی جاسوس سے متعلق تحقیقات ہنگامی بنیاد پر آگے بڑھانا چاہتا ہے۔

پرنٹ یا ایمیل کریں

Leave a comment