ایمز ٹی وی(لاہور) مال روڈ پر ون ویلرز کو بچاتے ہوئے کار کھمبے سے ٹکرا گئی جس کے نتیجے میں 4 افراد جاں بحق اور 3 زخمی ہو گئے۔

لاہور میں مال روڈ شاہراہ قائداعظم پرموٹرسائیکل پر سوار 3 نوجوان ون ویلنگ میں مصروف تھے کہ موٹرسائیکل اچانک ایک کار کے قریب سے گزری۔

کار موٹرسائیکل کو بچانے کی کوشش میں کھمبے سے ٹکرا گئی جس کے نتیجے میں 3 افراد موقع پرہی جاں بحق جب کہ 4 افراد زخمی ہو گئے۔

پولیس حکام کا کہنا ہے کہ حادثے میں کارمیں سوار2 نوجوان احسن لطیف اورمجید اور موٹر سائیکل سوار جابرموقع پرجاں بحق ہوگئے۔

ریسکیو اہلکاروں نے 4 زخمیوں کو طبی امداد کے لیے فوری طور پر جناح اسپتال منتقل کیا جہاں فرقان نامی نوجوان زخموں کی تاب نہ لاتے ہوئے دم توڑ گیا۔

یاد رہے کہ رواں سال مئی میں لاہور کے علاقےگجر پورہ تھانے کی حدود میں ایک تیز رفتار موٹر سائیکل سوار ون ویلنگ کرتا ہوا ٹرک سےٹکراگیا جس کے نتیجے میں نوجوان موقع پر ہی جاں بحق ہوگیا تھا