بدھ, 24 جولائی 2024


گورنمنٹ کالج یونیورسٹی سینڈیکیٹ نے70اساتذہ کی تنخواہیں جاری کرنےکی ہدایت

لاہور: گورنمنٹ کالج یونیورسٹی سینڈیکیٹ نے فوری طور پر 70 اساتذہ کی تنخواہیں جاری کرنے کی ہدایت کر دی۔

سینڈیکیٹ نے عارضی وائس چانسلر احمد عدنان کے فیصلوں پر شدید تحفظات کا اظہار کیا اور فوری طور پر متاثر اساتذہ کو تنخواہیں جاری کرنے کی ہدایت کی ۔

اجلاس میں 3 سینڈیکیٹ ممبران کی رکنیت بھی بحال کر دی گئی۔ ممبران نے سینڈیکیٹ کی اجازت کے بغیر کئے گئے تمام فیصلے واپس لینے کی ہدایت کی ۔ ایڈیشنل رجسٹرار ڈاکٹر شوکت کو دوبارہ رجسٹرار آفس کے روز مرہ کے امور دیکھنے کی ذمے داری دے دی گئی، سینڈیکیٹ کی ہدایت پر تعینات تمام انتظامی افسروں کو بحال کرنے کی ہدایت کی گئی ۔

ادھر پنجاب یونیورسٹی کے بعد گورنمنٹ کالج یونیورسٹی کے اساتذہ نے بھی الیکشن ڈیوٹی سے انکار کر دیا۔ اکیڈمک اسٹاف ایسوسی ایشن نے وائس چانسلر کو خط لکھا کہ دوران تعلیمی سیشن الیکشن کی لازمی ٹریننگ لینا مشکل ہے ۔ نئےتعلیمی سیشن کی تیاریاں بھی کرنی ہیں، ہمیں ہماری بنیادی ذمہ داری پوری کرنے دی جائے۔

پرنٹ یا ایمیل کریں

Leave a comment