ایمز ٹی وی (لاہور) لاہور کے باغبان پورہ کے علاقے راجپورہ میں 2 موٹر سائیکل سوار نے اندھا دھند فائرنگ کردی جس کے نتیجے میں 55 سالہ شخص طارق جاں بحق جب کہ ٹریفک وارڈن اشفاق شدید زخمی ہو گیا، فائرنگ سے علاقے میں شدید خوف وہراس پھیل گیا۔ واقعہ کی اطلاع ملتے ہی پولیس کی بھاری نفری موقع پر پہنچ گئی لیکن ملزمان موقع سے فرار ہونے میں کامیاب ہوگئے۔ پولیس نے زخمی وارڈن کو طبی امداد کیلیے فوری طور پر اسپتال منتقل کردیا جہاں اشفاق کی حالت نازک بتائی جاتی ہے۔ پولیس نے طارق کی لاش پورسٹمارٹم کے لیے منتقل کرکے تفتیش کا آغاز کردیا ہے۔ پولیس کے مطابق ابتدائی تفتیش میں واقعہ دیرینہ دشمنی کا شاخسانہ لگتا ہے ، واقعہ کا مقدمہ درج کرتے ہوئے ملزمان کی گرفتاری کے لیے چھاپوں کا سلسلہ شروع کردیا گیا ہے جلد ہی ملزمان کو گرفتار کرلیا جائے گا۔