منگل, 17 ستمبر 2019


مرید عباس کا قتل شہر کا امن خراب کرنے کی کوشش ہے,ڈی جی آئی ایس پی آر

کراچی: پاک فوج کے شعبہ تعلقات عامہ کے ادارے آئی ایس پی آر کے ڈائریکٹر جنرل نے کراچی میں قتل ہونے والے نجی چینل کے اینکر مرید عباس کی موت پر گہرے دکھ کا اظہار کیا ہے۔
 
تفصیلات کے مطابق کراچی کے علاقے ڈیفنس میں فائرنگ کے ایک واقعے میں جاں بحق ہونے والے ٹی وی اینکر مرید عباس کی موت پر ڈی جی آئی ایس پی آر نے دکھ کا اظہار کرتے ہوئے مرحوم کے اہل خانہ سے اظہار تعزیت کیا اور مغفرت کی دعا کی۔
 
ادھر مشیر اطلاعات سندھ مرتضیٰ وہاب نے ٹی وی اینکر سمیت دیگر افراد کے قتل کی مذت کرتے ہوئے کہا ہے کہ ٹی وی اینکر کا قتل شہر کا امن خراب کرنے کی کوشش ہے۔
 
بیرسٹر مرتضیٰ وہاب کا کہنا ہے کہ کراچی کا امن لوٹانے میں پولیس اور رینجرز کی قربانیاں شامل ہیں، شہر کا امن تباہ کرنے کی کسی کو اجازت نہیں دی جائے گی۔
 
 
مشیر اطلاعات کا یہ بھی کہنا تھا کہ مرید عباس سمیت دیگر افراد کے قاتلوں کو بے نقاب کیا جائے گا۔
 
خیال رہے کہ آج کراچی کے مختلف علاقوں میں فائرنگ کے واقعات میں نجی چینل کے اینکر سمیت پانچ افراد جاں بحق ہو گئے ہیں، پولیس کے مطابق اینکر اور خضر کو مارنے والے قاتل عاطف زمان نے خود کشی کی۔
 
نجی ٹی وی چینل کے اینکر مرید عباس کی اہلیہ نے کہا ہے قاتل عاطف زمان ٹائر کا بزنس کرتا تھا، اس نے لوگوں سے پیسے لے رکھے تھے، ہم نے سرمایہ کاری کر رکھی تھی، وہ پیسے نہیں دے رہا تھا، ڈرامے کر رہا تھا۔

پرنٹ یا ایمیل کریں

Leave a comment