جمعرات, 29 فروری 2024


کراچی میں موسمِ س ماکےآغازپرہی گیس کابحران، شہری شدید مشکلات کاشکار

زندہ دلان کراچی پر موسم  سرما کے شروع ہوتے ہی ایک اور مصیبت

   شہرقائد میں موسمِ سرما کے آغاز پرہی گیس کا بحران ہوگیا ہے جب کہ ایس ایس جی سی حالیہ شدید قلت کی وجوہات  کی وضاحت  نہیں کرپارہی۔

تازہ ترین اطلاعات کے مطابق شہرقائد میں موسمِ سرما کے آغازپرہی گیس کا بحران پیدا ہوگیا جس کے باعث گھریلو صارفین اور کمرشل سیکٹر شدید پریشانی کا شکار ہیں۔ صنعتکاروں نے صورتحال میں بہتری نہ آنے پر صنعتوں کی بندش کے خدشات کا اظہار کردیا جب کہ گھریلو صارفین کوشدید دشواری کا سامنا ہے ۔

سی این جی اسٹیشنز کی طویل بندش کے باعث شہرمیں پبلک ٹرانسپورٹ کم ہوگئی اوررکشہ اور ٹیکسی مالکان سمیت نجی ٹیکسی سروس نے اپنے کرایوں میں اضافہ کردیا ہے۔لوگوں کی کثیر تعداد صبح سویرے بسوں اور رکشوں کے انتظار میں کھڑی نظر آئی

ترجمان ایس ایس جی سی کا کہنا ہے کہ سی این جی اسٹیشنز کومنگل کی دوپہر 2 بجے سے گیس کی سپلائی منقطع ہے، جمعہ کی صبح 8 بجے تک 66 گھنٹے کے لئے گیس فراہمی بند رکھنے کے احکامات  ہیں، گھریلو صارفین اور کمرشل سیکٹر کی طلب پوری کرنے میں دشواری کا سامنا ہے۔

پرنٹ یا ایمیل کریں

Leave a comment